Ir al contenido

Ir al índice

Testigos rech Jehová

Uchaʼik jun chʼabʼal quiché

 KʼUTUNEM 13

Timoteo qas kraj keʼutoʼ ri winaq

Timoteo qas kraj keʼutoʼ ri winaq

Chqetaʼmaj chrij jun ala ubʼiʼ Timoteo, areʼ sibʼalaj kkikotik chiʼ keʼutoʼ ri winaq. Xbʼe pa jalajoj taq tinamit che kitoʼik ri winaq. Sibʼalaj xkikot pa ri ukʼaslemal. ¿La kawaj kintzijoj más chawe chrij ri Timoteo?...

Ri unan ri Timoteo xuqujeʼ ri ratiʼt xkikʼut chuwach chrij ri Jehová

Timoteo xkʼiy pa ri tinamit ubʼiʼ Listra. Ri unan Eunice ubʼiʼ, ri ratiʼt Loida ubʼiʼ. Chiʼ Timoteo nitzʼ na, ri unan xuqujeʼ ri ratiʼt xkikʼut ri utzij ri Jehová chuwach. Rumal laʼ, kʼa pa unitzʼal, Timoteo kraj keʼutoʼ ri winaq rech kketaʼmaj chrij ri Jehová.

Pa jun qʼij, chiʼ Timoteo nim chik, ri Pablo xubʼij che: «In kinbʼe pa jun chi tinamit che utzijoxik ri Utzij ri Dios. ¿La kawaj katbʼe wukʼ?». Ri Timoteo sibʼalaj xkikotik xuqujeʼ xubʼij wariʼ: «¡Kwaj kinbʼek!». Rumal che areʼ kraj keʼutoʼ ri winaq.

 Xbʼe rukʼ ri Pablo pa Tesalónica, jun tinamit rech Grecia. Rech keʼopan chilaʼ, rajawaxik xkibʼan bʼi jun nimalaj bʼe chkaqan tekʼuriʼ xebʼe pa jun barco. Chiʼ xeʼopanik, xekitoʼ kʼi winaq che retaʼmaxik chrij ri Jehová. Are kʼu kʼo jujun winaq sibʼalaj xpe koyowal xuqujeʼ xkaj xkibʼan kʼax chke. Rumal laʼ, ri Pablo xuqujeʼ Timoteo xebʼe pa nikʼaj chi lugar che utzijoxik ri utzij ri Dios.

Timoteo sibʼalaj xuriq kikotemal xuqujeʼ utzilal pa ri ukʼaslemal

Qʼaxinaq chi jujun ikʼ, Pablo xubʼij che ri Timoteo che rajawaxik ktzalij pa Tesalónica. Rumal che kraj kretaʼmaj jas kibʼanom ri cristianos. Are kʼu pa Tesalónica e kʼo jujun winaq che itzel kkil ri cristianos. ¡Ri Timoteo rajawaxik che ko ranimaʼ rech ktzalij chilaʼ! ¿La xtzalij ri Timoteo? Xtzalijik, rumal che kraj kretaʼmaj ri kibʼanom ri qachalal. Are chiʼ xtzalij loq, utz taq jastaq xutzijoj che ri Pablo. ¡Ri cristianos rech Tesalónica kiyaʼom ta kan upatanixik ri Jehová!

Pa kʼi junabʼ, ri Timoteo xupatanij ri Jehová rukʼ ri Pablo. Rumal laʼ, pa jun qʼij, ri Pablo xutzʼibʼaj wariʼ chrij ri Timoteo: «Kintaq bʼi ri Timoteo che kitoʼik ri qachalal. Man kʼo ta jun chi junam rukʼ ri areʼ. Ri areʼ kuloqʼoqʼej ri Jehová xuqujeʼ ri winaq».

¿La xuqujeʼ keʼawaj at ri winaq? ¿La kawaj keʼatoʼ rech kketaʼmaj chrij ri Jehová?... We je kabʼano sibʼalaj kariq kikotemal riʼ xuqujeʼ utzilal pa ri akʼaslemal, junam rukʼ ri Timoteo.