Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 59: David xanmajik

B'antajik 59: David xanmajik

CHI' ri David ukamsan chi Goliat, Abner ri ajk'amal b'e chike ri ajch'oj rech Israel xuk'am b'i David ruk' Saúl. Saúl xub'an ajk'amal b'e che ri David pa kiwi' rajch'oj, rumal wari' David xkanaj kan pa rachoch ri ajawinel.

Chi' ri ajch'oj xetzalij lo pa ch'oj kuk' ri filisteos, ri täq ixoqib' xkeb'ixoj wari': ‹Saúl xe'ukamsaj k'i are k'u ri David xe'ukamsaj sib'alaj e k'i›. Rumal wari' sib'alaj itzel xuna' ri Saúl, rumal che are xya' nim uq'ij ri David. Tek'uri' Jonatán junam ta ruk' ri utat ub'i' Saúl. Xa kuloq'oq'ej ri David, xuquje' ri David kuloq'oq'ej ri Jonatán. Rumal la', xkeb'ij che kkeya' ta kan ub'anik kachi'l kib'.

Saúl tijan kuk’aq b’i ri nim raqan uch’ich’

David sib'alaj xkun che ukojik ri arpa, ri Saúl utz kuta ri b'ixonik kub'an ri David ruk' ri arpa. Xopan jun q'ij rumal ri itzelal k'o pa ranima' ri Saúl xub'an che, che xraj xukamsaj ri David. Chi' tijan kb'ixon ruk' ri arpa, Saúl xuyek ri nim raqan uch'ich' tek'uri' xuk'aqab'ej che ri David, chi' tijan kub'ij wari': ‹¡Kinq'osij, o kinb'ajij, ri David che ri xan!› Xcha'. Ri David xkunik xanmaj (xomjek) chuwäch. Tek'uri' Saúl xuk'aq chi jumul ri nim raqan uch'ich' chirij David. David xrilo che rajawaxik sib'alaj kuchajej rib'.

¿La kpe pa ajolom ri xutzujuj ri Saúl nab'e kanoq? Xub'ij che kuya ri umi'al che ri achi jachin kukamsaj Goliat. K'isb'al re Saúl xub'ij che David che kkunik kk'ule' na ruk' ri umi'al ub'i' Mical, we kukamsaj 100 filisteos. ¡Chata wari'! Ri Saúl are kraj che ri täq filisteos kkekamsaj ri David. Tek'uri' xb'antaj ta wari', rumal la' ri Saúl xuya na ri umi'al che David rech kk'ule' ruk'.

Xopan jun q'ij, ri Saúl xub'ij che Jonatán xuquje' chike ri ajupatinel che kraj kukamsaj David. Jonatán xub'ij wari' che ri utat: ‹Xaq makamsaj ri David. David ub'anom ta k'äx chawe. Xa atuto'm. Xuya ri uk'aslemal pa k'äx chi' xukamsaj ri Goliat, chi' xawil wari' sib'alaj xatkikotik›.

David tijan kanmaj b’i chuwach ri nim raqan ch’ich’

Saúl xuta ri xub'ij uk'ojol che, xutzujuj che kub'an ta k'äx che David. Xk'am chi lo David rech kupatanej ri Saúl. Tek'uri' pa jun q'ij chi' tijan kb'ixon ruk' ri arpa, Saúl xuk'aq chi jumul ri nim raqan uch'ich' che David. David xanmajik, wajun ch'ich' xtzaq che ri xan. ¡Xub'an oxib' mul che xub'an wari'! ¡David xrilo che rajawaxik kanmajik!

Che wajun aq'ab' David xb'e che rachoch, tek'uri' Saúl xutaq b'i k'i täq achijab' rech kukamsaj. Mical reta'm su kraj kub'an ri utat. Xub'ij wari' che David: ‹Jat che wajun aq'ab', we katb'e ta chweq katkamik›. Kimik ri Mical xuto' ri David rech kanmajik, xresaj b'i pa jun ventana. Xa jub'iq' xraj che wuqub' junab' che ri David uk'olom rib' rumal ri Saúl, xuk'ol rib' pa jalajoj täq lugar.

1 Samuel 18:1-30; 19:1-18.



Ri e tz’onoj

  • ¿Suche ri Saúl itzel xril David, tek’uri’ suche Jonatán junam ta ri uno’j ruk’ ri utat?
  • ¿Su xb’antaj pa jun q’ij chi’ David tijan kb’ixon ruk’ ri arpa chuwäch Saúl?
  • ¿Su xub’ij Saúl che rajawaxik kub’an David rech kkunik kk’ule’ ruk’ Mical, xuquje’ suche xub’ij wari’?
  • Junam cha kawil pa ri wachb’äl, ¿su xb’antaj pa urox mul chi’ David tijan kb’ixon ruk’ ri arpa chuwäch Saúl?
  • ¿Su xub’an Mical che uto’ik ri David, su rajawaxik xub’an David pa wuqub’ junab’?

Nik’aj chik kta’ chawe

  • Ksik’ix uwäch 1 Samuel 18:1-30.

    ¿Su xuk’ut ri suk’alaj loq’oq’enik xuya ri Jonatán che David ruk’ ri loq’oq’enik che k’o che kixo’l ri ‹alaj jupuq chij› kuk’ ri «nik’aj chik chij»? (1 Sam. 18:1; Juan 10:16; Luc. 12:32; Zac. 8:23.)

    Rumal che ri Jonatán are kkanaj kan che uk’exwach ri Saúl, ¿su kub’ij 1 Samuel 18:4 che Jonatán xniman che ri David?

    ¿Su kuk’ut ri xub’an ri Saúl chi’ itzel kqil jun winaq kojuk’am b’i pa nimalaj täq mak, xuquje’ su etal kuya wajun b’antajik chaqe? (1 Sam. 18:7-9, 25; Sant. 3:14-16.)

  • Ksik’ix uwäch 1 Samuel 19:1-17.

    ¿Chi’ xch’aw ruk’ ri Saúl suche xuya ri uk’aslemal pa k’äx ri Jonatán? (1 Samuel 19:1, 4-6; Pro. 16:14.)