Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 43: Josué xub'an ajk'amal b'e

B'antajik 43: Josué xub'an ajk'amal b'e

MOISÉS xraj xok pa ri tinamit Canaán kuk' ri täq israelitas. Rumal la' xub'ij: ‹Jehová, chaya chwe kinq'axej ri nimalaj ja' (b'eya') ub'i' Jordán, rech kinwil ri utzalaj ulew›, xcha'. Tek'uri' ri Jehová xub'ij: ‹¡Xaq match'aw chik! ¡Xaq mab'ij chi wari'!› Xcha' che. ¿La aweta'm suche xub'ij wari' Jehová?

Are rumal ri xb'antajik chi' ri Moisés xuch'ay ri ab'aj. Masach pa ajolom che: Moisés xuquje' ri Aarón xkeya ta uq'ij ri Jehová. Xkeb'ij ta che ri tinamit che are Jehová xesan lo ri ja' chupam ri ab'aj. Rumal la' Jehová xub'ij che kuya ta chike ke'ok pa ri tinamit Canaán.

Chi' q'axnäq chi keb' oxib' ik' che kamnäq che ri Aarón, Jehová xub'ij che Moisés: ‹Chak'ama b'i ri Josué chuwäch ri Eleazar ri ajkojol tab'al toq'ob' xuquje' che kiwäch ri tinamit. Tek'uri' chila'. Che kiwäch konojel, chab'ij chike che Josué are ri k'ak' ajk'amal b'e›, xcha'. Moisés xub'an chike ri xub'ij ri Jehová che, chawilampe' pa ri wachb'äl.

Moisés tijan kub’ij che are Josué ri k’ak’ ajk’amal b’e

Tek'uri' Jehová xub'ij che Josué: ‹Chab'ana ko che ri awanima', maxib'ij awib'. Kak'am b'e pa kiwi' ri täq israelitas tek'uri' che'ak'ama b'i pa ri tinamit Canaán che xintzujuj chiwe, in katinto'›.

Tek'uri' Jehová xub'ij che Moisés che kb'e puwi' ri juyub' (jïb') ub'i' Nebo, rech ri ulew Moab. Chila' Moisés xkunik xril panoq naj che ri nimalaj ja' (b'eya') Jordán ri utzalaj ulew Canaán. Jehová xub'ij wari': ‹Are wa' ri tinamit xintzujuj chike ri kalk'wal ri Abrahán, Isaac xuquje' ri Jacob. Xinya chawe rech kawil panoq, Tek'uri' kinya ta chawe katok chila'›.

Ri Moisés xkam pa ri juyub' (jïb') Nebo. K'o chi 120 ujunab'. K'o na uchoq'ab' xuquje' kka'y na. Ri tinamit sib'alaj xb'isonik, konojel xe'oq' chirij ri Moisés. Tek'uri' xekikotik che Josué are ri k'ak' ajk'amal b'e chike.

Números 27:12-23; Deuteronomio 3:23-29; 31:1-8, 14-23; 32:45-52; 34:1-12.



Ri e tz’onoj

  • ¿Jachin täq ri keb’ achijab’ e k’o ruk’ Moisés pa ri wachb’äl?
  • ¿Su xub’ij Jehová che Josué?
  • ¿Suche xb’e ri Moisés puwi’ ri juyub’ (jïb) Nebo, xuquje’ su xub’ij Jehová che?
  • ¿Jampa’ ujunab’ ri Moisés chi’ xkamik?
  • ¿Suche sib’alaj xb’ison ri tinamit, tek’uri’ suche xekikotik?

Nik’aj chik kta’ chawe

  • Ksik’ix uwäch Números 27:12-23.

    ¿Su jun nimalaj chak xuya Jehová che Josué, xuquje’ su ruk’ kuk’ut Jehová kimik che sib’alaj kraj ri Utinamit? (Núm. 27:15-19; Hech. 20:28; Heb. 13:7.)

  • Ksik’ix uwäch Deuteronomio 3:23-29.

    ¿Suche Jehová xuya ta chike ri Moisés ruk’ ri Aarón xeq’ax pa ri Ulew Tzujum chike, xuquje’ su kqeta’maj chirij wari’? (Deu. 3:25-27; Núm. 20:12, 13.)

  • Ksik’ix uwäch Deuteronomio 31:1-8, 14-23.

    ¿Su uk’utik xub’an Moisés che xub’an ta nim che rib’ chi’ xk’ajasax uwäch (disciplina) rumal Jehová, chi’ xuya ri k’isb’al utzij chike ri täq israelitas? (Deu. 31:6-8, 23.)

  • Ksik’ix uwäch Deuteronomio 32:45-52.

    ¿Su kub’an pa qak’aslemal ri Loq’alaj Utzij ri Ajawaxel? (Deu. 32:47; Lev. 18:5; Heb. 4:12.)

  • Ksik’ix uwäch Deuteronomio 34:1-12.

    Ri Moisés xkun täj xril uwäch ri Jehová tek’uri’, ¿su kub’ij Deuteronomio 34:10 che xub’an Moisés ruk’ ri Jehová? (Éxo. 33:11, 20; Núm. 12:8.)