Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 27: Jun itzel ajq'atb'altzij pa Egipto

B'antajik 27: Jun itzel ajq'atb'altzij pa Egipto

RI TÄQ achijab' che ke'awil waral, xa tijan kkeb'an chike nik'aj chik winaq che kechakun ruk' choq'ab'. ¡Chawilampe' wajun achi tijan kuch'ay jun ajchak ruk' jun asiar! Ri täq ajchak ri' che tijan kb'an k'äx chike xa e ufamilia ri Jacob, ronojel kb'ix israelitas chike. Jachin täq ketaqan pa kiwi' are ri aj Egipto. Ri israelitas xeqaj pa kiq'ab' tek'uri' xb'an mos chike. ¿Suche xb'an mos chike?

Ri aj Egipcios tijan kib’an k’äx chike ri aj Israelitas

Pa k'i täq junab' ronojel ri ufamilia Jacob xek'ase' Egipto ruk' kikotemal. Are José e'uchajem rumal che are nim uq'ij pa Egipto. Xopan jun q'ij che ri José xkamik. Xok kan jun k'ak' ajq'atb'altzij o jun k'ak' Faraón pa Egipto, tek'uri' itzel xeril ri täq israelitas.

Rumal wa' wajun itzelalaj Faraón xe'utaq ri täq israelitas pa chak ruk' choq'ab'. Xuquje' xukoj nik'aj itzel täq achijab' che ajtaqo'n pa kiwi'. Wa nik'aj achijab' ri' xketaq ri täq israelitas che ub'anik e k'i nimaq täq ja rech kkek'ol ronojel uwäch sutaq rech ri Faraón. Tek'uri' ri täq israelitas xkeb'an e k'i. Ri aj Egipto xkexib'ij kib' rumal che kkeb'ij che are keb'an na e k'i ri israelitas xuquje' che are k'o nim kichoq'ab' che kiwäch.

Ri aj Egipcios tijan kib’an k’äx chike ri aj Israelitas

¿La aweta'm su xub'an ri Faraón? Xe'uch'ab'ej ri täq iyom o ixoqib' che kketo' ri ixoqib' täq israelitas chi' k'eje' kal, jewa' ri' xub'ij chike: ‹Chikamsaj ronojel täq ak'alab' we kiwilo che xa e alab'om (o ab'on)›. Wa nik'aj utzalaj täq ixoqib' xkeb'an ta wari', xkekamsaj ta ri täq alab'om.

Rumal wari', ri Faraón xub'ij wari' chike ronojel aj Egipto: ‹Chikamsaj ronojel alaj täq alab'om. Xiw ri alaj täq alitom kikamsaj täj›. ¿La itzel ta wajun taqonik xuya ri Faraón? Chqilampe' suche k'o jun alaj ala che xekun täj xkekamisaj.

Éxodo 1:6-22.



Ri e tz’onoj

  • ¿Jachin la’ wajun achi che rek’an jun asiar (látigo)? ¿Jachin la’ tijan kuch’ayo?
  • ¿Su xb’an chike ri israelitas chi’ xkam ri José?
  • ¿Suche ri egipcios xkexib’ij kib’ che ri israelitas?
  • ¿Su xub’ij ri Faraón chike ri ajyakal ak’alab’ (täq iyom)?

Nik’aj chik kta’ chawe

  • Ksik’ix uwäch Éxodo 1:6-22.

    ¿Su xub’an Jehová che ri tinamit Israel che xuk’utu che tijan kb’antaj ronojel su xutzujuj che Abrahán? (Éxo. 1:7; Gén. 12:2; Hech. 7:17.)

    ¿Su xkeb’an ri täq ajyakal ak’alab’, o iyom, täq israelitas, che xkeya uk’utik che nim kekil ri loq’alaj k’aslemal? (Éxo. 1:17; Gén. 9:6.)

    ¿Su utzilal xub’an Jehová chike ri täq ajyakal ak’alab’ rumal che e suk’ xkeb’an chuwäch? (Éxo. 1:20, 21; Pro. 19:17.)

    ¿Su utzilal xub’an Jehová chike ri täq ajyakal ak’alab’ rumal che e suk’ xkeb’an chuwäch? (Éxo. 1:20, 21; Pro. 19:17.)