Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 26: Ri suk'alaj Job

B'antajik 26: Ri suk'alaj Job

¿LA K'ÄX kana' che wajun achi ri'? Ub'i' Job, wajun ixoq are rixoqil. ¿La aweta'm su tijan kub'ij che? ‹Chaxutuj ri Ajawaxel, tek'uri' chatkamoq›, xcha'. Chqilampe' suche wajun ixoq xub'ij wari', xuquje' suche ri Job k'o chupam wajun k'äx.

Job nojinaq che ch’ak

Ri Job suk'alaj achi che xunimaj ri Jehová. Job k'o pa ri tinamit ub'i' Uz, xa naqaj k'o che Canaán. Jehová sib'alaj kraj ri Job. K'o jun chik che xa itzel kril ri Job. ¿La aweta'm jachin la'?

Are ri Satanás. Masach chawe, Satanás are ri itzel ángel che sib'alaj riwal che Jehová. Satanás xub'ano che Adán ruk' Eva xeniman ta che ri Jehová xuquje' xub'ij che kkunik kub'ano che ronojel täq winaq keniman täj. ¿La xkunik xub'an wari'? Xkun täj. Masach chawe ronojel täq winaq che xkeb'an e suk'alaj täq winaq. ¿Jampa' aweta'm kib'i'?

Chi' ri Jacob xuquje' ri José e kamnäq chik pa Egipto, Job are xub'ana ri winaq suk' chuwäch ri Jehová cho ronojel uwäch Ulew. Ri Jehová xraj xuk'ut che Satanás che kkun täj kub'an chike ronojel täq winaq che kkeb'an itzel, Jehová xub'ij che ri Satanás: ‹Chawilampe' ri Job. Che qastzij suk' cho nuwäch›.

‹Job sib'alaj suk'›, xcha' ri Itzel, xa rumal che ‹at aya'om utzil puwi' xuquje' xiw ri utz aya'om che. Chawesaj ronojel che, chawilampe' we katuxutuj täj›.

Rumal wa' ri Jehová xub'ij: ‹Jat. Chawesaj che, ronojel kawaj. Chaya täq k'äx che, che kawaj. Chi' kqil wi we kinuxutuj. Xiw kinb'ij chawe che kakamsaj täj›.

Nab'e, ri Satanás xub'ano che xepe nik'aj achijab' xkelq'aj b'i ronojel täq uchikop ri Job. Ronojel täq uchij xekamik. Xuquje' xe'ukamsaj ri 10 ralk'wal ri Job chupam jun nimalaj kaqiq', o tew. Tek'uri' xukoj wajun itzelalaj yab'il che ri Job. Ri Job xqaj pa jun nimalaj k'äx. Rumal wa' rixoqil xub'ij che: ‹Chaxutuj ri Ajawaxel, tek'uri' chatkamoq›. Ri Job xraj täj xub'an wari'. Xuquje' xepe oxib' achijab', ub'ixik che täq urach'il, xe'ok che ub'ixik che ri Job che xa itzel winaq. Ri Job xuya ta kan ub'anik suk' che ri Jehová.

Rumal wari' ri Jehová xkikotik, tek'uri' xuya k'i täq utzilal puwi' ri Job. Chawilampe' chike täq xuya che. Ri Job xek'eje chi na e 10 ralk'wal, xuquje' ri Jehová xuya sib'alaj e k'i täq chiköp che, are k'i chuwäch ri k'o kan ruk' ojer.

¿La suk' kab'an na che ri Jehová junam ruk' Job? We je', ri Ajawaxel kuya nim täq utzilal pawi'. Kariq na ak'aslemal k'ot uk'isik chi' ruwäch Ulew kub'an junam ruk' ri ojer kotz'i'jalaj ulew ub'i' Edén.

Job 1:1-22; 2:1-13; 42:10-17.

Job ruk’ ri ufamilia


Ri e tz’onoj

  • ¿Jachin la’ ri Job?
  • ¿Su xraj xub’an ri Satanás? ¿La xkunik xub’ano?
  • ¿Su xuya Jehová che Satanás xub’ano, xuquje’ suche xuya’o che xub’an wari’?
  • ¿Suche ri rixoqil xub’ij wari’ che ri Job: ‹Chaxutuj ri Ajawaxel, tek’uri’ chatkamoq›? (Chawilampe’ cho ri wachb’äl.)
  • Chawilampe’ pa wajun chik wachb’äl, ¿su täq utzilal xuya ri Jehová che ri Job, xuquje’ suche xuya wari’ che?
  • ¿Su täq utzilal kuya Jehová chaqe we kqab’an suk’ chuwäch, junam che xub’an ri Job?

Nik’aj chik kta’ chawe

  • Ksik’ix uwäch Job 1:1-22.

    ¿Su ruk’ kekun ri täq cristianos kkeb’an kimik junam ruk’ su xub’an ri Job? (Job 1:1; Fili. 2:15; 2 Ped. 3:14.)

  • Ksik’ix uwäch Job 2:1-13.

    ¿Su no’j xub’an ri Job xuquje’ su jun no’j che junam täj xub’an rixoqil chi’ ri Satanás xe’uya pa k’äx? (Job 2:9, 10; Pro. 19:3; Miq. 7:7; Mal. 3:14.)

  • Ksik’ix uwäch Job 42:10-17.

    ¿Su ruk’ xa junam kel wi ri utzilal xya’ che ri Job ruk’ ri utzilal xya’ che ri Jesús rumal che xkeb’an e suk’ chuwäch ri Jehová? (Job 42:12; Fili. 2:9-11.)

    ¿Su kojuto’ wi ri ureta’maxik ronojel ri täq utzilal che xya’ che ri Job rumal che xub’an suk’ chuwäch ri Ajawaxel? (Job 42:10, 12; Heb. 6:10; Sant. 1:2-4, 12; 5:11.)