Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 12: Ri winaq xkeb'an jun nimalaj ja

B'antajik 12: Ri winaq xkeb'an jun nimalaj ja

XQ'AX k'i täq junab'. Ri täq uk'ojol ri Noé xk'eje' k'i täq kalk'wal. Ri täq kalk'wal xek'iyik tek'uri' xk'eje' chi kalk'wal. Tek'uri' k'o chi k'i winaq cho ruwäch Ulew.

Xkeb'an e k'i ri täq rachalal ri Noé, jun chike wari' are ri achi ub'i' Nemrod. Are' sib'alaj itzel, xuquje' ke'uchap täq chiköp tek'uri' ke'ukamisaj xuquje' jewa' ri' xub'an chike ri winaq. Ri Nemrod xuquje' xub'an ajawinel che rib' che kub'an q'atb'altzij pa kiwi' ri winaq. Ri Ajawaxel utz ta xril ri Nemrod.

Ronojel ri winaq ojer, xiw pa jun ch'ab'äl kech'awik. Are xraj ri Nemrod che xa jun e k'o wi ronojel rech kkunik kub'an q'atb'altzij pa kiwi'. Rumal la', ¿la aweta'm su xub'ano? Xub'ij chike che kkeb'an jun tinamit ruk' jun nimalaj ja. Pa ri wachb'äl kawilo che e tijan che ub'anik xan che q'axnaq pa q'aq'.

Ri Jehová utz ta xril wajun ja. Are' xraj che ri winaq ke'el b'i chila' rech keb'e cho ronojel uwäch Ulew. Tek'uri' xkeb'ij: ‹¡Chojwalijoq! Chqab'ana' jun tinamit ruk' jun nimalaj ja che kopan pa ri kaj. ¡Tek'uri' kub'an nim qaq'ij!›, xecha'. Xkaj che nim kiq'ij chuwäch ri Ajawaxel.

Rumal la' ri Ajawaxel xub'an chike ri winaq che xkeya kan ub'anik ri nimalaj ja. ¿La aweta'm su xub'an che ub'anik? Xub'an chike ri winaq che xa k'ate xkena'o, xech'aw pa jalajoj täq ch'ab'äl, xiw ta chi jun. Xa e jujun xketa kitzij che kixo'l. Rumal la' ri tinamit xkoj ub'i' che Babel, o Babilonia, che kraj kub'ij «Sachb'äl».

Tek'uri' ri winaq xeb'e naj che Babel. Ronojel jupuq täq winaq che xa junam kech'awik, xeb'e cho ronojel uwäch Ulew.

Génesis 10:1, 8-10; 11:1-9.

Ri winaq tijan kkib’an jun nimalaj ja


Ri e tz’onoj

  • ¿Jachin la’ ri Nemrod xuquje’ su kub’ij ri Ajawaxel chirij wajun achi ri’?
  • Chawilampe’ pa ri wachb’äl, ¿suche ri winaq tijan kkeb’an xan q’axnaq pa q’aq’?
  • ¿Suche ri Jehová utz täj kril wajun ja tijan ub’anik?
  • ¿Su xub’an ri Ajawaxel che utak’b’axik wajun chak rech uyikik ri nimalaj ja?
  • ¿Su ub’i’ wajun tinamit ri’, xuquje’ su kraj kub’ij wajun b’i’aj ri’?
  • ¿Su xkeb’an ri winaq chi’ ri Ajawaxel xusach kich’ab’al?

Nik’aj chik kta’ chawe

  • Ksik’ix uwäch Génesis 10:1, 8.

    ¿Sula’ ri täq chomanik (pensar) xuk’ut Nemrod xuquje’ su kub’ij ri Loq’alaj Pixab’ chaqe? (Pro. 3:31.)

  • Ksik’ix uwäch Génesis 11:1-9.

    ¿Suche xb’an ri nimalaj ja, xuquje’ suche xa kk’is ta wi ub’anik? (Gén. 11:4; Pro. 16:18; Juan 5:44.)