Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 20: Dina xqaj pa k'äx

B'antajik 20: Dina xqaj pa k'äx

¿LA KAWILO e jachin täq ke'urila ri Dina? Kerila ri alitom, o alitomab', che e k'o pa ri tinamit Canaán. ¿La kkikot ri Jacob rumal wari' tijan kub'an rumi'al? Rech katkunik kab'ij wari' are ksach ta pa ajolom ri xkeb'ij ri Abrahán xuquje' ri Isaac chikij ri ixoqib' täq aj Canaán.

Dina tijan kusolij ri alitomab’ rech Canaán

¿La xraj ri Abrahán che xk'ule' ri Isaac ruk' jun ixoq aj Canaán? Xraj täj. ¿La xkaj ri Isaac ruk' Rebeca che xk'ule' ri kalk'wal ruk' jun Cananea? Xkaj täj. ¿Aweta'm suche?

Rumal che we winaq ri' rech Canaán tijan kkeya uq'ij ri täq tyox. Wari' xa e itzel täq winaq rech kk'ule' jun ajpatanel rech ri Ajawaxel kuk' xuquje' e utz täj rech kb'an kachi'l chike. Rumal la' qastzij qeta'm che ri Jacob utz täj xrilo che ri umi'al xb'in kuk' wa ixoqib' cananeas.

Dina xqaj pa nimaq täq k'äx. Chawilampe' wajun achi cananeo tijan kril pan ri Dina, ub'i' Siquem. Pa jun q'ij chi' ri Dina b'enäq che kilik wa ixoqib', ri Siquem xok ruk' Dina. Wari' utz täj, rumal che xiw ri e k'ulnaq kekunik kkeb'an wari'. Wajun k'äx xub'an ri Siquem che ri Dina xuk'am b'i' pa jun nimalaj ch'oj.

Chi' ri täq uxib'al xkito sula' xb'antajik, sib'alaj xpe kiwal. Keb' chike uxib'al kib'i' Simeón xuquje' Leví, sib'alaj xpe kiwal. Rumal la' xkek'am b'i nik'aj nimaq täq ch'ich', xaq k'ate' xe'ok b'i' pa ri tinamit. Ri Simeón, Leví ruk' nik'aj kachalal xkekamsaj ri Siquem xuquje' ri nik'aj chik achijab'. Jacob sib'alaj xpe riwal rumal wajun nimalaj k'äx xkeb'an täq uk'ojol.

¿Suche xmajtaj wajun k'äx? Are rumal che ri Dina xub'an rachi'l chike ri winaq che kkenimaj ta ri utaqonik ri Ajawaxel. Xuquje' öj rajawaxik kqab'an täj sula' xub'an ri Dina, ¿la je kab'ij at o je täj?

Génesis 34:1-31.



Ri e tz’onoj

  • ¿Suche xkaj ta ri Abrahán ruk’ ri Isaac che ri kalk’wal xek’ule’ kuk’ täq ixoqib’ rech Canaán?
  • ¿La utz xril ri Jacob che rumi’al xub’an rachi’l chike ri ixoqib’ aj Canaán?
  • ¿Jachin la’ ri jun achi k’o pa ri wachb’äl che tijan kril ri Dina, xuquje’ su nimalaj itzelal xub’an che ri Dina?
  • ¿Su xkeb’an ri Simeón xuquje’ ri Leví (ri täq uxib’al ri Dina) chi’ xketo su xb’an che knab’?
  • ¿La utz xril ri Jacob ri xkeb’an ri Simeón xuquje’ ri Leví?
  • ¿Su ruk’ xmajtaj lo ri ch’oj che kixo’l wajun familia ri’?

Nik’aj chik kta’ chawe

  • Ksik’ix uwäch Génesis 34:1-31.

    ¿Suche k’o umak ri Dina chi’ ri achi ub’i’ Siquem xub’an k’äx che? (Gál. 6:7.)

    ¿Su ruk’ kkek’ut ri täq alab’om alitom che kkekoj retal chirij sula’ xb’an che ri Dina? (Pro. 13:20; 1 Cor. 15:33; 1 Juan 5:19.)