Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 7: Jun achi che xuxib'ij ta rib'

B'antajik 7: Jun achi che xuxib'ij ta rib'
Enoc

CHI' e k'i chi ri winaq cho ruwäch Ulew, e k'i chike xkeb'an ri itzelal junam ruk' Caín. Tek'uri' k'o jun achi junam ta kuk' wari'. Ub'i' Enoc. Are' jun achi nim ranima' xuquje' nim uchoq'ab'. Ronojel e k'o che unaqaj konojel e itzel täq winaq, tek'uri' Enoc tijan kuya uq'ij ri Jehová.

¿La aweta'm suche ri täq winaq ri' kkeb'an k'i täq itzelal? Chachomaj wari': ¿Chin la' xub'an che Adán ruk' Eva che xeniman ta che ri Ajawaxel xuquje' xketij ri uwäch che', che ub'im ri Ajawaxel che kketij täj? Are jun itzel ángel. Ri Loq'alaj Pixab' kub'ij Satanás che. Satanás kraj kub'an itzel chike konojel winaq.

Elaq’ xuquje’ kamisanik

Xopan jun q'ij che ri Ajawaxel Jehová xutaq ri Enoc che ub'ixik chike ri winaq, jun tzij che qas kekaj täj kketo. Are wari': ‹Kopan na jun q'ij che ri Ajawaxel kusach kiwäch konojel ri itzel täq winaq›. Wari' xub'an chike ri winaq che sib'alaj xpe kiwal. Xkaj xkekamsaj ri Enoc. Rumal wa' ri Enoc rajawaxik che xuxib'ij ta rib' rech kub'ij chike ri winaq su kub'an ri Ajawaxel.

Ri Ajawaxel xuya ta che ri Enoc che xk'ase' k'i täq junab' che kixo'l ri itzel täq winaq. Rumal la' xiw xk'ase' 365 junab' ¿Suche kqab'ij xiw xk'ase' «365 junab'»? Ojer ri winaq sib'alaj k'o kichoq'ab' che kiwäch ri winaq kimik xuquje' kek'ase' k'i täq junab'. ¡Ri Matusalén uk'ojol ri Enoc xk'ase' 969 junab'!

Winaq che tijan kkib’an itzelal

Chi' kamnäq chi ri Enoc, ri winaq xkeb'an sib'alaj e itzel. Ri Loq'alaj Pixab' kub'ij ‹ronojel ri kkechomaj ri winaq are ub'anik ri itzelal›, rumal la' ‹cho ronojel uwäch Ulew k'o itzelal›.

¿La aweta'm suche k'o sib'alaj k'i täq ch'oj ojer? Rumal che Satanás xpe jun k'ak' chomanik, o pensar pa ujolom su kub'ano rech ke'ub'an itzel chike ri winaq. Chqila' sula'.

Génesis 5:21-24, 27; 6:5; Judas 14, 15.



Ri e tz’onoj

  • ¿Suche ri Enoc junam ta uno’j kuk’ nik’aj chik?
  • ¿Suche xkeb’an k’i täq itzelal ri winaq pa täq uq’ij ri Enoc?
  • ¿Su itzel täq jastaq tijan kkeb’an ri winaq? (Chawila’ ri wachb’äl.)
  • ¿Suche rajawaxik xuxib’ij ta rib’ ri Enoc?
  • ¿Jumpa’ junab’ kek’ase’ ri winaq ojer, tek’uri’ jumpa’ junab’ xk’ase’ Enoc?
  • ¿Su xb’antajik chi’ kamnäq chi ri Enoc?

Nik’aj chik kta’ chawe

  • Ksik’ix uwäch Génesis 5:21-24, 27.

    ¿Su xub’an ri Enoc rech xb’in pa ri b’e che kraj ri Jehová? (Gén. 5:24.)

    ¿Su ub’i’ ri achi che kub’ij ri Loq’alaj Pixab’ che naj xk’ase’ik, xuquje’ jumpa’ ujunab’ chi’ xkamik? (Gén. 5:27.)

  • Ksik’ix uwäch Génesis 6:5.

    Chi’ xkam ri Enoc, ¿jumpa’ runimal ri itzelal xopan cho ruwäch Ulew, xuquje’ suche xa junam wari’ ruk’ qak’aslemal kimik? (2 Tim. 3:13.)

  • Ksik’ix uwäch Lucas 3:23, 37.

    ¿Su utz xub’an ri Enoc che «utz xril ri Ajawaxel», xuquje’ su xuriqo? (Gén. 5:22.)

  • Ksik’ix uwäch Judas 14, 15.

    ¿Su kkeb’an ri cristianos rech kkexib’ij ta kib’ che ub’ixik che petinäq chi ri nimalaj ch’oj ub’i’ Armagedón junam che xub’an ri Enoc? (2 Tim. 4:2; Heb. 13:6.)