Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 102: Ri Jesús k'aslik

B'antajik 102: Ri Jesús k'aslik

¿LA AWETA'M jachin la' ri ixoq xuquje' e jachin täq ri keb' achijab' e k'o pa ri wachb'äl? Ri ixoq are María Magdalena, rachi'l ri Jesús. Ri täq achijab' e saq katz'yaq e ángeles. María tijan kril chupam ri jul jachi' xya' wi ri ub'aqil ri Jesús, ¡tek'uri' k'o ta chi ri ub'aqil chila'! ¿Jachin la' xuk'am b'ik? Chqilampe'.

E ángeles tijan kech’aw ruk’ María Magdalena

Chi' kamnäq chi ri Jesús, ri täq ajkojol tab'al toq'ob' xkeb'ij che ri Pilato: ‹Chi' ri Jesús maja' na kkamik xub'ij che kk'astaj pa oxib' q'ij. Rumal la' xkeb'ij che rajawaxik kchajex ri jul. ¡Ruk' wari' ri täq rajtijoxel kekun täj kkelq'aj b'i ri ub'aqil rech kkeb'ij che xk'astajik!› Pilato xub'ij chike che kketaq b'i ajchajanel.

Chi' xsaqarik che urox q'ij che ri ukamikal ri Jesús, jun ángel rech Jehová xuk'ut rib'. Xresaj ri ab'aj k'o che uchi' ri jul. Ri täq ajchajanel sib'alaj xkexib'ij kib' rumal la' xeseleb' ta chik. ¡Tek'uri', chi' xkil chupam ri jul, ri ub'aqil ri Jesús k'o ta chi chila'! Jujun chike ri täq ajchajanel xe'ok b'i pa ri tinamit tek'uri' xkeb'ij chike ri ajkojol tab'al toq'ob' su xkilo. ¿La aweta'm su xkeb'an ri täq itzel täq ajkojol tab'al toq'ob'? Xketoj ri täq ajchajanel rech kkeb'ij ta ri qastzij. ‹Chib'ij che are täq rajtijoxel xkek'am b'i ri Jesús chi' ix tijan kixwarik›, xecha'.

Tek'uri', nik'aj ixoqib' e rachi'l ri Jesús xeb'e che rilik ri jul. ¡Xkilo che k'ot nijun chupam! Tek'uri', keb' ángeles kqopowik, o karepk'un ri katz'yaq e k'o chila'. ‹¿Suche tijan kitzukuj ri Jesús waral?› Xecha'. ‹Ri Jesús xk'astajik. Jix chanim chib'ij chike ri täq rajtijoxel›. Wa täq ixoqib' xeb'e chanim. Tek'uri' chi' e k'o pa b'e jun achi xe'uq'atij. ¡Are ri Jesús! ‹Jix chib'ij chike ri täq wajtijoxel›, xcha' Jesús.

Chi' ri täq ixoqib' xkeb'ij chike ri täq ajtijoxel che Jesús k'aslik xuquje' xkil uwäch, ri täq ajtijoxel k'äx xkeriq che ukojik wa täq tzij ri'. ¡Pedro xuquje' ri Juan xeb'e chanim che rilik ri jul, tek'uri' pa ri jul k'ot nijun! Chi' xeb'ek, María Magdalena xkanaj kan chikij. Xka'y chupam ri jul tek'uri' xril ri keb' ángeles.

¿La aweta'm su xuriq ri ub'aqil ri Jesús? Ri Ajawaxel xusach uwäch. Ri Ajawaxel xuwalasaj ta ri Jesús ruk' ri ub'aqil k'o ojer. Xuya jun k'ak' uk'aslemal xa junam kuk' ke ri täq ángeles. Tek'uri' rech kuk'ut chike ri täq ajtijoxel che k'aslik, ri Jesús xkunik xuk'ut rib' pa jun b'aqil che ri winaq xekunik xkilo.

Mateo 27:62-66; 28:1-15; Lucas 24:1-12; Juan 20:1-12.



Ri e tz’onoj

  • ¿Jachin la’ ri ixoq k’o pa ri wachb’äl, xuquje’ jachin täq ri keb’ achijab’, jachi’ e k’o wi?
  • ¿Suche ri Pilato xub’ij chike ri täq ajkojol tab’al toq’ob’ che kketaq b’i achijab’ rech kkechajej ri jul?
  • ¿Su xub’an jun ángel chi’ xsaqarik chi’ qaxnäq chi oxib’ q’ij che ri ukamikal ri Jesús?
  • ¿Suche xkexib’ij kib’ nik’aj ixoqib’ chi’ xekila’ ri jul jachi’ k’o wi ri Jesús?
  • ¿Suche ri Pedro xuquje’ ri Juan xeb’e chanim che rilik ri jul jachi’ k’o wi ri Jesús, xuquje’ su xkilo?
  • ¿Su xb’an che ri ub’aqil ri Jesús, xuquje’ su xub’ano rech kkil ri täq rajtijoxel che k’aslik?

Nik’aj chik kta’ chawe

  • Ksik’ix uwäch Mateo 27:62-66 y 28:1-15.

    Chi’ Jesús xk’astajik, ¿su kimak xkeb’ano chirij ri ixlab’ixel ri täq ajkojol tab’al toq’ob’, xuquje’ ri täq ajk’amal b’e xuquje’ ri täq ancianos? (Mat. 12:24, 31, 32; 28:11-15.)

  • Ksik’ix uwäch Lucas 24:1-12.

    ¿Su kuk’ut ri b’antajik rech ri uk’astajik ri Jesús che ri Jehová e suk’ täq testigos kril ri täq ixoqib’? (Luc. 24:4, 9, 10; Mat. 28:1-7.)

  • Ksik’ix uwäch Juan 20:1-12.

    ¿Su kojuto’ Juan 20:8, 9 che rilik che rajawaxik kpe ta qoyowal, o qiwal chi’ kqach’ob’ ta ronojel ri kb’an na ri täq tzij b’in kan ojer? (Pro. 4:18; Mat. 17:22, 23; Luc. 24:5-8; Juan 16:12.)