Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 97: Xpetik junam che jun ajawinel

B'antajik 97: Xpetik junam che jun ajawinel

CHI' Q'AXNÄQ chi keb' oxib' q'ij che ri Jesús xukunaj ri keb' winaq keka'y täj, ri Jesús xpe pa jun alaj tinamit naqaj che Jerusalén. Xub'ij wari' che ri keb' rajtijoxel: ‹Chixok pa ri alaj tinamit chila' kiriq jun alaj b'ur. Chikira' loq tek'uri' chik'ama lo chwe›.

Chi' xkek'am lo ri b'ur, Jesús xkub'i b'ik chirij. Tek'uri' xb'e Jerusalén, che k'o naqaj. Chi' naqaj chik k'o che ri tinamit, sib'alaj e k'i täq winaq xe'el lo che rilik. K'i chike ri winaq xkeya täq atz'yaq pa ub'e. Nik'aj chik xkeya täq uq'ab' che', xuquje' xkeb'ij: ‹¡Ri Ajawaxel chuya na tewchib'äl che ri ajawinel che petinäq pa ub'i' ri Jehová!›

Winaq tijan kkiya utz petib’al che ri Jesús

Ojer pa Israel chi' k'o jun k'ak' ajawinel kok b'i pa Jerusalén puwi' jun b'ur rech kkil ri winaq rech ri tinamit. Are wa' xub'an ri Jesús. Xuquje' wa täq winaq tijan kkek'utu che kkaj che ri Jesús kub'an ajawinel. Tek'uri' konojel ta ri winaq kkaj wari'. Kqil na wari' su xb'antajik chi' Jesús xopan pa ri loq'alaj ja.

Pa ri loq'alaj ja ri Jesús xe'ukunaj täq winaq che keka'y täj xuquje' winaq che kamnäq kib'aqil. Chi' ri alaj täq ak'alab' xkil wari' utz xech'aw chirij ri Jesús. Wari' xub'ano che ri täq ajkojol tab'al toq'ob' sib'alaj xpe koyowal, o kiwal, rumal la' xkeb'ij wari' che Jesús: ‹¿La kata ri tijan kkeb'ij ri täq ak'alab'?›

‹Je' kinto›, xcha' Jesús. ‹¿La isik'im ta pa ri Loq'alaj Pixab' che kub'ij: pa kichi' ri alaj täq ak'alab' ri Ajawaxel kuya utzalaj täq tzij?› Rumal la' ri täq ak'alab' xkeya ta kan ub'ixik utz täq tzij chirij ri ajawinel xuya ri Ajawaxel.

Öj kqaj kqab'an junam kuk' ri ak'alab', ¿la jewa'? Wene' e k'o täq winaq che kkaj kqaya kan uya'ik ub'ixik ri tzij chirij ri ajawb'äl rech ri Ajawaxel. Tek'uri' öj rajawaxik kqaya ta kan ub'ixik chike ri winaq ri utzalaj täq jastaq che kub'an na ri Jesús chike ri winaq.

Chi' Jesús k'o cho ruwäch Ulew are ta ri q'ij che kok ub'anik q'atb'altzij. ¿Jumpa' kopan ri q'ij? Ri täq rajtijoxel xkaj xketa'maj. Chqasik'ij chirij wari' kimik.

Mateo 21:1-17; Juan 12:12-16.



Ri e tz’onoj

  • Chi’ Jesús xopan pa jun alaj tinamit k’o naqaj che Jerusalén, ¿su xe’utaq che uk’amik ruk’ täq rajtijoxel?
  • Junam che kqil pa ri wachb’äl, ¿su xb’antajik chi’ Jesús k’o chi naqaj che ri tinamit rech Jerusalén?
  • ¿Su xkeb’an ri ak’alab’ chi’ xkilo che ri Jesús tijan kukunaj ri täq winaq keka’y täj xuquje’ ri winaq kamnäq kib’aqil?
  • ¿Su xub’ij Jesús chike ri ajkojol tab’al toq’ob’ che xpe koyowal, o kiwal?
  • ¿Su kqab’an öj che kqab’an junam kuk’ ri ak’alab’ che utz xech’aw chirij Jesús?
  • ¿Su kkaj kketa’maj ri täq rajtijoxel ri Jesús?

Nik’aj chik kta’ chawe

  • Ksik’ix uwäch Mateo 21:1-17.

    ¿Suche junam ta ri okib’al xub’an Jesús pa Jerusalén ruk’ ri okib’al xkeb’an ri täq ajk’amal b’e rech ch’oj ojer pa Roma chi e ch’akanaq chik? (Mat. 21:4, 5; Zac. 9:9; Fili. 2:5-8; Col. 2:15.)

    ¿Su kketa’maj ri täq alab’om xuquje’ ri alitomab’ chike ri täq ak’alab’ israelitas chi’ xkeb’ij ri k’o pa Salmo 118 chi’ Jesús xok pa ri loq’alaj ja? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

  • Ksik’ix uwäch Juan 12:12-16.

    ¿Su xuk’ut kanoq ri täq uq’ab’ che’ xkekoj ri winaq che urib’exik ri Jesús? (Juan 12:13; Fili. 2:10; Apoc. 7:9, 10.)