Ir al contenido

Ir al índice

Testigos rech Jehová

Uchaʼik jun chʼabʼal quiché

B'antajik 91: Jesús xuk'ut pixab' pa jun juyub'

B'antajik 91: Jesús xuk'ut pixab' pa jun juyub'

CHAWILAMPE' pa ri wachb'äl ri Jesús ku'lik, o t'ulik. Tijan kuk'ut chike konojel ri winaq ri utzij Ajawaxel pa jun juyub' rech Galilea. Ri e k'o naqaj che, are täq rajtijoxel. Xe'ucha' 12 rech kkeb'an u'apostoles. Ri täq apóstoles e ajtijoxelab' sib'alaj nim kib'antajik rech ri Jesús. ¿La aweta'm su kib'i'?

Ri Jesús tijan kuya pixab’

Nab'e, Simón Pedro xuquje' ri rachalal ub'i' Andrés. Tek'uri', Santiago xuquje' Juan, e kachalal kib'. Jun chik apóstol ub'i' Santiago, xuquje' jun chik Simón ub'i'. Keb' apóstoles kib'i' Judas. Jun ub'i' Judas Iscariote, jun chik Judas xuquje' kb'ix Tadeo che. Tek'uri' ri Felipe xuquje' ri Natanael (kb'ix Bartolomé che), tek'uri' Mateo xuquje' Tomás.

Chi' ri Jesús xtzalij lo pa Samaria, xok che uya'ik ub'ixik ri utzij ri Ajawaxel nab'e mul: ‹Ri ajawb'äl rech ri kaj naqaj chik k'o wi'›. ¿La aweta'm sula' wajun ajawb'äl? Are ri qastzijalaj uq'atb'altzij ri Ajawaxel. Ri Jesús are rajawinel. Ri Jesús kub'an lo q'atb'altzij pa ri kaj xuquje' kuk'am lo uxlunem cho ruwäch ri Ulew. Ronojel ri uwäch Ulew kub'an na jun kotz'i'jalaj uwäch rumal rajawb'äl ri Ajawaxel.

Ri Jesús tijan kuk'ut chike ri winaq chirij ri ajawb'äl. ‹Jewa' kib'ano chi' kib'an ich'awem›, xcha'. ‹Qatat atk'o pa kaj, nim kb'an che ri ab'i'. Chpet ri ajawb'äl. Chab'ana' ri kawaj pa ri kaj, xuquje' cho ruwäch Ulew. Wari' are jujun täq tzij k'o chupam ri ch'awem che xuk'ut kan ri Jesús. ¿La katkunik kab'ij ronojel ri ch'awem?

Ri Jesús xuquje' tijan kuk'ut che kiwäch ri winaq su rajawaxik kkeb'an che kich'ab'exik kib' che kixo'l. ‹Chab'ana' chike ri winaq su kawaj kb'an chawe›, xcha' Jesús. ¿La utz kawilo che nik'aj chik winaq utz kib'an chawe? Rumal la' rajawaxik kqab'an utz kuk' nik'aj chik. ¡Sib'alaj utz kub'an na ri kotz'i'jalaj uwäch Ulew chi' konojel kkeb'an wari'! ¿La jewa'?

Mateo 5 k’a kopan 7; 10:1-4.



Ri e tz’onoj

  • Junam che kqil pa ri wachb’äl, ¿jachi’ tijan kuk’ut wi ri Jesús, xuquje’ jachin täq e k’o che unaqaj?
  • ¿Su täq kib’i’ ri kab’lajuj apóstoles?
  • ¿Sula’ ri Ajawb’äl che xuya ub’ixik ri Jesús?
  • ¿Su xuk’ut ri Jesús chike ri winaq che kketa pa kich’awem?
  • ¿Su xub’ij Jesús che rajawaxik kkeb’an ri winaq che kixo’l?

Nik’aj chik kta’ chawe

  • Ksik’ix uwäch Mateo 5:1-12.

    ¿Su täq uk’utik kqab’ano che kajwataj ri Ajawaxel chaqe? (Mat. 5:3; Rom. 10:13-15; 1 Tim. 4:13, 15, 16.)

  • Ksik’ix uwäch Mateo 5:21-26.

    ¿Su uk’utik kub’an Mateo 5:23, 24 che ri kqab’an kuk’ ri täq qachalal pa ri congregación k’o kub’an che qachilanik ruk’ Jehová? (Mat. 6:14, 15; Sal. 133:1; Col. 3:13; 1 Juan 4:20.)

  • Ksik’ix uwäch Mateo 6:1-8.

    ¿Su täq nojib’al kech ri fariseos rech ojer rajawaxik kkeb’an ta ri täq cristianos? (Luc. 18:11, 12; 1 Cor. 4:6, 7; 2 Cor. 9:7.)

  • Ksik’ix uwäch Mateo 6:25-34.

    ¿Su xub’an Jesús che uk’utik che rajawaxik kqakub’saj qak’u’x chirij Jehová che kuya ri kajwataj chaqe? (Éxo. 16:4; Sal. 37:25; Fili. 4:6.)

  • Ksik’ix uwäch Mateo 7:1-11.

    ¿Su jun k’utb’al re kqariq pa Mateo 7:5 che xuya ri Jesús? (Pro. 26:12; Rom. 2:1; 14:10; Sant. 4:11, 12.)