Ir al contenido

Ir al índice

¡AMAQʼEL CHIXKʼASKʼATOQ!

Rusia kchʼojin rukʼ Ucrania

Rusia kchʼojin rukʼ Ucrania

 Pa ri aqʼabʼil re ri 24 re febrero 2022, Rusia xumaj chʼoj rukʼ Ucrania, paneʼ kʼi che ri kʼamal taq bʼe re ronojel ri uwach Ulew kkaj taj kbʼan wariʼ. ¿Jas kʼax kuya wajun chʼoj riʼ pa ronojel ri uwach Ulew? António Guterres, secretario general re ri Naciones Unidas, xubʼij che sibʼalaj nim riʼ ri kʼax kkiriq ri winaq re ri e tinamit re Europa y ronojel ri uwach Ulew rumal wajun chʼoj.

¿La kʼo ubʼanik ri tajin kkʼulmatajik rukʼ ri kubʼij ri Biblia?

  •   Ri Jesús xubʼij kanoq che kopan jun tiempo che kchʼojin na «jun nim tinamit chrij jun nim tinamit chik. Kwalij na jun ajawibʼal chrij jun ajawibʼal chik» (Mateo 24:7). Chasikʼij uwach ri kʼutunem «¿Cuál es la señal de ‹los últimos días› o de ‹los tiempos finales›?» rech kawetaʼmaj che ri xubʼij kan ri Jesús chrij ri chʼoj pa ri Biblia tajin kebʼantajik.

  •   Ri wuj re Apocalipsis kubʼij che ri chʼoj kjunamataj rukʼ jun achi che tʼuyul chrij jun kej «kiʼaq rij» y «kresaj bʼik ri jamaril chkixoʼl ri winaq cho ri uwach ulew» (Apocalipsis 6:4). Chasikʼij uwach ri kʼutunem «¿Qué representan los jinetes del Apocalipsis?» rech kawetaʼmaj che ri chʼoj che tajin kbʼan kimik kʼo ubʼanik rukʼ wajun profecía riʼ.

  •   Ri wuj re Daniel kchʼaw chrij ri «ajawinel ri kʼo pa umox relebʼal qʼij [sur]» y «ri ajawinel ri kʼo pa ri rikiʼaqʼabʼ relebʼal qʼij [norte]» y kubʼij che kechʼojinik (Daniel 11:25-45). Chawilaʼ ri video Ri xbʼan che utzʼaqatisaxik ri profecía re Daniel 11 rech kachʼobʼo jasche ri tinamit Rusia y ri ketobʼan rukʼ kbʼixik che are ri qʼatal tzij re ri norte. a

  •   Apocalipsis xuqujeʼ kchʼaw chrij «ri chʼoj re ri nimalaj uqʼij ri Dios ri kʼo ronojel ukuʼinem» (Apocalipsis 16:14, 16). Are kʼu, are ta jun chʼoj chkixoʼl taq tinamit junam rukʼ ri tajin kkʼulmataj kimik. Chasikʼij uwach ri kʼutunem «¿Jas riʼ ri Armagedón?» rech kawetaʼmaj más chrij wajun chʼoj che kbʼan na pa ri petinaq.

¿Jasche qetaʼm che kʼo utz taq jastaq kqariq na pa ri petinaq?

  •   Ri Biblia kubʼij che ri Dios kusachisaj na kiwach «ri chʼoj kʼa pa ri kʼisbʼal ujutzʼ ri uwach ulew» (Salmo 46:9). Chasikʼij uwach ri kʼutunem «La esperanza real de un mañana mejor» rech kawetaʼmaj más chrij ri utz taq jastaq che utzujum ri Dios chqe.

  •   Ri Jesús xukʼut kan chkiwach ri utijoxelabʼ che kkita pa kichʼawem che kpe ri uQʼatbʼal tzij ri Dios (Mateo 6:9, 10). Pa ri kaj kʼo wi wajun Qʼatbʼal tzij riʼ y kusukʼumaj na ronojel ri kʼax che kqariq cho ri uwach Ulew. Y jun chke ri urayibʼal ri Dios che kkiriq ri winaq cho ri uwach Ulew are che kʼo ta chi chʼoj. Chawilaʼ ri video ¿Jas riʼ ri Rajawbʼal ri Dios? rech kawetaʼmaj jas ri tewchibʼal kuya na ri uQʼatbʼal tzij ri Dios pa ri akʼaslemal.

 Pa Ucrania e kʼo más che 129,000 testigos rech Jehová. Kkibʼan ke jas ri kkibʼan ri Testigos rech Jehová cho ronojel ri uwach Ulew, kkesaj uwach ri Jesús y xaq xiw kkiya ri kitobʼanik che ri uQʼatbʼal tzij ri Dios. Rumal laʼ, kkinim ta kibʼ pa política ni kebʼe pa chʼoj (Juan 18:36). Pa ronojel tinamit, ri testigos rech Jehová kkiya ubʼixik ri utzalaj taq jastaq che kubʼan na «ri rajawibʼal ri Dios»; kkibʼij chke ri winaq che ri Dios kresaj na ri kʼaxkʼolil pa ronojel ri uwach Ulew, xuqujeʼ ri chʼoj (Mateo 24:14). We kawaj kawetaʼmaj más chrij ri utz taq jastaq che tzʼibʼam kan pa ri Biblia, chattzijon qukʼ.

a We kawaj kawetaʼmaj más chrij wajun profecía, chasikʼij kiwach ri e kʼutunem «Ri qʼatal tzij re ri norte pa ri kʼisbʼal taq qʼij» y «¿Jachin riʼ ri qʼatal tzij re ri norte kimik?».