Are chiʼ ri Jesús xkʼojiʼ cho ri uwach Ulew, xukʼutu che sibʼalaj kojraj; xuya ri ukʼaslemal pa qawiʼ (Mateo 20:28; Juan 15:13). Jun chi kubʼan che ukʼutik ri uloqʼoqʼebʼal chqe are che kukʼis na «kitzaʼm ri chʼoj kʼa pa ri kʼisbʼal ujutzʼ ri uwach ulew» (Salmo 46:9). Y ri Jesús kubʼan na wariʼ rumal che are ri Qʼatal tzij re ri Uqʼatbʼal tzij ri Dios.

 Ri Biblia kubʼij ri kubʼan na ri Jesús, chawilampeʼ:

•   «Areʼ kʼu kyoʼw na ri tobʼanik che ri mebʼaʼ ri ktzʼononik, xuqujeʼ ri kʼo urajawaxik ri man kʼo ta jachin kbʼanow toqʼobʼ che utoʼik. Kutoqʼobʼisaj na kiwach ri man nim ta keʼilik. Kutoʼtajisaj kʼut ri kikʼaslemal ri mebʼayibʼ. Keresaj pa ri latzʼ xuqujeʼ pa ri riqoj kʼax» (Salmo 72:12-14).

 ¿Jas kqabʼan rech kqamaltyoxij che ri Jesús ri xubʼan pa qawiʼ y ri kubʼan na che qatoʼik? Pa Lucas 22:19, ri Jesús xubʼij chke ri udicipulos che kkinaʼtajsaj ri ukamikal. Rumal laʼ, ronojel taq junabʼ ri testigos rech Jehová kkimulij kibʼ rech kkinaʼtajsaj ri ukamikal ri Jesús. Kqaj che katpe qukʼ che Unaʼtasaxik ri ukamikal ri Jesús. Kbʼan na pa domingo 24 re marzo 2024.

Ri kbʼan wi ri Unaʼtabʼalil