Are chiʼ utz kel ri kʼulanem kuya uqʼij ri Jehová y ri e kʼulaj sibʼalaj kekikotik (Mr 10:9). We jun qachalal kraj che kkikotik y kuchʼij ri ukʼulanem, rajawaxik qas kchoman chrij ri pixabʼ che kʼo pa ri Biblia rech utz ri ukʼulaj kuchaʼo.

Utz che jun kutzukuj ukʼulaj are chiʼ «kʼo chik ujunabʼ che ri kʼulanem» rumal che ri kʼa majaʼ kijunabʼ más kʼo na uchuqʼabʼ ri kirayinik, y wariʼ kubʼano che kechoman taj (1Co 7:36). Rumal laʼ, are chiʼ jun majaʼ kkʼuliʼk rajawaxik che are kunimarisaj ri rachilanik rukʼ ri Dios xuqujeʼ kukoj uchuqʼabʼ rech kkʼojiʼ utz taq ubʼantajik rech kux jun utzalaj achajil o ixoqil.

Are chiʼ majaʼ katkʼuliʼk qas chayaʼ atiempo che retaʼmaxik uwach ri winaq rech kawil ri qas ubʼantajik (1Pe 3:4). We kʼo jastaq che kachʼobʼ taj, chabʼij che ri winaq ri katkʼuliʼ wi. Ri kʼulanem xaq junam ubʼanik are chiʼ at kʼo rukʼ jun awachiʼl o kukʼ ri afamilia che are katchoman chrij ri katkunik kayaʼo y are ta ri kawaj kyaʼ chawe (Flp 2:3, 4). Are chiʼ kabʼan pa ri akʼaslemal ri e pixabʼ che kʼo pa ri Biblia chiʼ majaʼ katkʼuliʼk, kubʼano che kʼax ta chi kabʼan che unimaxik are chiʼ at kʼulan chik, y wariʼ kuya kikotemal pa ri akʼulanem.

ARE CHIʼ AWILOM CHI RI VIDEO ¿JAS RAJAWAXIK KWIL NABʼE WE KWAJ KINKʼULIʼK? PARTE 3: «CHAWAJILAJ JOROPAʼ RI KASACH NA», CHATZALIJ KIWACH RI PREGUNTAS RIʼ:

• ¿Jas ubʼanom ri rachilanik ri qachalal rukʼ ri a Shane?

• Are chiʼ xretaʼmaj más uwach ri a Shane, ¿jas jastaq xrilo che utz taj tajin kubʼano?

• ¿Jas tobʼanik xkiya ri utat unan che, y jas jun utz jastaq xuchaʼ ubʼanik areʼ?