Kimik ri noticias aninaq kopan kukʼ e kʼi winaq rumal ri prensa, ri radio, ri televisión o ri Internet. Ri oj che kqaqʼijilaj ri «Dios, aj qastzij» kqaj taj kqabʼij tzij che qastzij taj, paneʼ qachomam taj (Sl 31:5; Éx 23:1). Ri tzij che kyaʼ ubʼixik weneʼ kubʼan kʼax che jun winaq. Rech kawetaʼmaj we qastzij ri tajin kbʼixik, chachomaj wariʼ:

• ¿La kojkunik kqakubʼsaj qakʼuʼx chrij ri xyaʼow ubʼixik? Ri xbʼinik weneʼ retaʼm ta ronojel ri xkʼulmatajik. Ri kyaʼ ubʼixik nojimal kkʼextajik. Rumal laʼ xaq ta kabʼij jastaq we man awetaʼm ta ri ubʼanik ri xkʼulmatajik. Ri kkikʼam bʼe pa ri congregación rajawaxik kkichajij kibʼ rech kkiya ta ubʼixik tzij che utz taj xuqujeʼ jun jastaq che qas ta ketaʼm.

• ¿La kubʼan kʼax che ri ubʼantajik jun winaq? We kubʼano, utz taj kqaya ubʼixik (Pr 18:8; Flp 4:8).

• ¿La nim ubʼanik? Chachajij awibʼ che ri tzij che más kyaʼ uwiʼ o kʼax ukojik.

ARE CHIʼ AWILOM CHI RI VIDEO ¡CHAJEKʼAʼ AWIBʼ CHE KITZIJOXIK NIKʼAJ CHI WINAQ!, CHATZALIJ KIWACH RI PREGUNTAS RIʼ:

• Junam rukʼ ri kubʼij Proverbios 12:18, ¿la kubʼan kʼax ri qatzij che jun chik?

• ¿Jas kojutoʼ wi Filipenses 2:4 rech kojchoman na chrij ri kqabʼij che jun chik?

• ¿Jas rajawaxik kqabʼano are chiʼ kqata tzij che utz taj o che kresaj ukʼixbʼal jun winaq?

• Are chiʼ majaʼ kojok che kitzijoxik nikʼaj chik, ¿jas preguntas rajawaxik kojchoman chrij?