¿JASCHE NIM UBʼANIK? Rumal che kʼo kʼi itzelal kimik, e kʼi winaq kkikoj ri tecnología y kikojom cámaras o intercomunicadores cho kachoch. Weneʼ kqaxeʼj qibʼ kqatzijoj ri utzij ri Dios che jun winaq che kqil taj, are kʼu ri areʼ tajin kojrilo. Ri pixabʼ che kqil na kojkitoʼ che utzijoxik ri utzij ri Dios pa jun cámara o jun intercomunicador.

¿JAS KQABʼAN CHE UBʼANIK?

• Chkʼol utz achomanik. E kʼi winaq che kikojom jun cámara o jun intercomunicador cho ri kachoch kkaj ketzijon qukʼ.

• Chnaʼtaj chawe che kʼo cámaras kumajij ubʼanik grabar are chiʼ majaʼ kapitzʼ ri timbre y che ri winaq tajin katkitatabʼej y tajin katkil chik are chiʼ katqebʼ rukʼ ri uchiʼ ja.

• Are chiʼ kchʼaw ri winaq, chattzijon rukʼ jetaneʼ kʼo awukʼ. Chattzeʼnoq y chakʼutuʼ utz bʼantajik junam rukʼ ri kabʼan amaqʼel. Chabʼij ri kawaj kabʼij che ri winaq wet xutor ri uchiʼ ja. We kʼo jun cámara, qas ta katqebʼ kʼa chuwach. We kʼo ta jun kchʼawik, kaya ta kan jun mensaje.

• Chnaʼtaj chawe che are chiʼ kakʼis tzijonem, weneʼ ri winaq tajin katrilo y at utatabʼem na.