Ri kʼutwachinik re ri loqʼalaj ja che xril ri Ezequiel xuya kichuqʼabʼ ri e judíos che e esam bʼi pa ri kitinamit rumal che qas xubʼij chke che kopan na ri qʼij che kbʼan chi jumul ri qastzij qʼijilanik. Pa taq we kʼisbʼal qʼij riʼ, ri qastzij qʼijilanik «are juyubʼ waʼ ri sibʼalaj naj kel na chikaj, ri sibʼalaj naj elinaq chikaj chuwach apachike jun juyubʼ chik. Ronojel kʼu kiwach nimaʼq taq tinimit kebʼopan na chilaʼ», xuqujeʼ ri oj okinaq chupam junam kuk winaq re ronojel tinamit (Isa 2:2). ¿La anaqʼatisam awibʼ che uchomaxik rij ri nimalaj eqelen che upatanexik xuqujeʼ retaʼmaxik uwach ri Jehová?

• Sibʼalaj kʼi uwach wuj che esam pa ri Biblia che kuya ubʼixik chrij ri preguntas che nim kibʼanik pa ri kʼaslemal, kuya utz taq pixabʼ xuqujeʼ jun qastzij eyebʼal kʼuxaj (Isa 48:17, 18; 65:13; Ro 15:4).

• Jun loqʼalaj familia che kʼo pa ronojel uwach Ulew (Sl 133:1; Jn 13:35).

• Ri eqelen che kojkunik kojtobʼan rukʼ ri Dios che ri chak che kuya kikotemal chqe (Hch 20:35; 1Co 3:9).

• «Ri ujamaril ri Dios», che kuya qachuqʼabʼ are chiʼ kʼo kʼax pa ri qakʼaslemal (Flp 4:6, 7).

• Jun chʼajchʼoj retaʼmabʼal qakʼuʼx (2Ti 1:3).

• Jun utzalaj achilanik rukʼ ri Jehová (Sl 25:14).

¿Jas kinbʼan che ukʼutik che nim kwil ri qastzij qʼijilanik?