Ri bʼantajik kukʼutu che, are chiʼ jun kʼakʼ publicador kkʼut chuwach che rajawaxik amaqʼel kutzijoj ri utzij ri Dios xuqujeʼ rukʼ kikotemal, wariʼ kubʼano che kux jun utzalaj publicador (Pr 22:6; Flp 3:16). Chqilampeʼ jujun taq pixabʼ ri kabʼan che utoʼik ri ajtijoxel rech utz kubʼan che umajixik ri utzijoxik ri utzij ri Dios:

• Chamajij utijoxik ri ajtijoxel are chiʼ kyaʼ ubʼixik che utz kel che utzijoxik ri utzij ri Dios (km 8/15 pág. 1). Chakʼutuʼ chuwach che rajawaxik ronojel taq semanas kbʼe che utzijoxik ri utzij ri Dios (Flp 1:10). Chabʼij utz jastaq are chiʼ kattzijon chrij ri territorio (Flp 4:8). Rukʼ utz taq tzij chabʼij che, che kel rukʼ ri ajkʼamal bʼe re ri jupuq xuqujeʼ kukʼ ri e nikʼaj chi publicadores rech kkunik kretaʼmaj chrij ri kibʼanom pa ri kikʼaslemal (Pr 1:5; km-S 10/12 pág. 6 párr. 3).

• Kaya ta kan uyaʼik uchuqʼabʼ xuqujeʼ ukʼutik chuwach ri ajtijoxel pa neʼ ubʼanom chi ri uqasanjaʼ, más na rajawaxik we majaʼ kukʼis ri wuj «Loqʼoqʼebʼal ukʼuʼx ri Dios» (km 12/13 pág. 7).

• Chakojoʼ jun kʼutbʼal che kʼax ta uchʼobʼik are chi katzijoj ri utzij ri Dios rukʼ jun kʼakʼ publicador. Are chi ktotaj che ubʼanik, chabʼij che, che sibʼalaj utz ri xubʼano. Chayaʼ jujun taq pixabʼ che, rech más utz kubʼan che utzijoxik ri utzij ri Dios (km–S 5/10 pág. 7).