Chupam ri Biblia kʼo ri uchomanik xuqujeʼ ri utaqanik ri Jehová, che are ajchaqʼe ri loqʼalaj wuj riʼ (2Pe 1:20, 21). Are chiʼ kchʼaw chrij ri uchʼajchʼobʼexik ri nimalaj uQʼatbʼal tzij ri Dios, ri Biblia kubʼij chke konojel ri e winaq che xa pa jubʼiqʼ tiempo kepe utzalaj taq qʼij. Xuqujeʼ kukʼut chqawach ri utzalaj ubʼantajik ri loqʼalaj qaTat Jehová che kʼo pa ri kaj (Sl 86:15).

Qonojel sibʼalaj nim kqil ri Utzij ri Dios rumal kʼi taq jastaq. Are kʼu, ¿la kqakʼutu che nim kqil wi are chiʼ kqasikʼij ronojel taq qʼij xuqujeʼ chiʼ kqakoj pa ri qakʼaslemal ri e pixabʼ? Rajawaxik kqakʼut rukʼ ri kqabʼano che sibʼalaj nim kqil wi junam rukʼ ri salmista, che xubij: «¡Sibʼalaj kinloqʼoqʼej ri tijonik la!» (Sl 119:97).

ARE CHIʼ AWILOM CHI RI VIDEO NIM XKIL WI RI BIBLIA: UCHʼAQAPIL (WILLIAM TYNDALE), CHATZALIJ UWACH RI E PREGUNTAS RIʼ:

• ¿Jasche William Tyndale xuqʼaxej pa jun chi chʼabʼal jun uchʼaqapil ri Biblia?

• ¿Jasche qas xqʼalajin ri uchuqʼabʼ are chiʼ xuqʼaxej pa jun chi chʼabʼal ri Biblia?

• ¿Jas xkibʼano rech xopan pa Inglaterra jujun taq Biblias re Tyndale?

• ¿Jas kqabʼan che ukʼutik che nim kqil wi ri Utzij ri Dios?