Rukʼ ri utzalaj ubʼantajik, ri ixoqilaxel che kux cristiana weneʼ kkunik kutoʼ ri rachajil rech kretaʼmaj ri qastzij. Are kʼu, weneʼ kkʼulmataj wariʼ chiʼ qʼaxinaq chi kʼi taq junabʼ che bʼanom kʼax che (1Pe 2:21-23; 3:1, 2). We ri at tajin kariq kʼaxkʼolil, «chatchʼakan puwiʼ ri etzelal rukʼ ri utzil» (Ro 12:21). Ri utzalaj abʼantajik kubʼano che kabʼij utzalaj taq tzij chiʼ kattzijonik.

Chatchoman chrij ri kunaʼ ri akʼulaj (Flp 2:3, 4). Chakʼutuʼ che katchoman chrij ri kunaʼo, che kel akʼuʼx che xuqujeʼ chakojoʼ achuqʼabʼ che ubʼanik ri achak che rajawaxik kabʼano. Xuqujeʼ qas chatatabʼej (Snt 1:19). Chkʼol apaciencia rukʼ ri akʼulaj xuqujeʼ chakʼutuʼ loqʼoqʼebʼal che. Paneʼ kukʼut ta loqʼoqʼebʼal xuqujeʼ nim ta katril wi, qas chawetaʼmaj che ri Jehová sibʼalaj nim kril ri asukʼilal (1Pe 2:19, 20).

ARE CHIʼ AWILOM CHI RI VIDEO RI JEHOVÁ KUYA QACHUQʼABʼ RECH KQACHʼIJ RI QEQAʼN, CHATZALIJ UWACH RI E PREGUNTAS RIʼ:

• ¿Jas ubʼanik ri ukʼaslemal Grace Li pa ri nabʼe taq junabʼ re ri ukʼulanem?

• ¿Jas xbʼanowik rech xretaʼmaj ri qastzij?

• ¿Jas xtoʼw ri qachalal Li che uchʼijik ri kʼax chiʼ ubʼanom chi ri uqasanjaʼ?

• ¿Jas xutaʼ ri qachalal Li che Jehová che kubʼan ri rachajil?

• ¿Jas tewchibʼal uriqom ri qachalal Li rumal ri utzalaj ubʼantajik xuqujeʼ che nim keril ri e nikʼaj chik?