Ir al contenido

Ir al índice

Testigos rech Jehová

Uchaʼik jun chʼabʼal quiché

 QAKʼASLEMAL RI OJ CRISTIANOS

Chqakojoʼ ri videos kukʼ ri e tijoxelabʼ re ri Biblia

Chqakojoʼ ri videos kukʼ ri e tijoxelabʼ re ri Biblia

Ri e wachbʼal kojutoʼ rech kojkunik kqachʼobʼo xuqujeʼ kkanaj kan ri e kʼutunem pa qajolom. Jehová, ri Nimalaj Ajtij, xukoj e wachbʼal are chiʼ xuya nimaʼq taq kʼutunem (Gé 15:5; Jer 18:1-6). Jesús ri Utzalaj Ajtij xuqujeʼ xukojo (Mt 18:2-6; 22:19-21). Jun chke ri utzalaj taq wachbʼal che tajin kkoj pa ri e kʼisbʼal taq junabʼ are ri e videos. ¿La tajin kqakoj che kitijoxik ri e tijoxelabʼ re ri Biblia?

Kimik, kʼo 10 videos che kojutoʼ rech kqaqʼalajisaj ri kubʼij ri wuj Kbʼix utz taq jastaq re ri Ajawaxel. Kʼi taq mul, ri ubʼiʼ ri video are jun chke ri kchʼaw chrij ri preguntas pa negritas che kʼo pa ri wuj. Ri wuj che kʼo pa Internet rukʼam ri enlaces che kojukʼam bʼi pa ri video. Xuqujeʼ, kʼo chi nikʼaj video che kʼo pa ri chakubʼal re tijonik rech kqaya etaʼmanik chke ri tijoxelabʼ re ri Biblia.

¿La kʼax kubʼan ri tijoxel che uchʼobʼik jun kʼutunem re ri Biblia? o ¿La tajin kqʼax pa jun nimalaj kʼax? Chatzukuj jun video pa jw.org® o pa JW Broadcasting® che kuya tobʼanik che. Weneʼ kixkunik kiwilo xuqujeʼ kixtzijon chrij.

Ronojel taq ikʼ keʼesax lo kʼakʼ taq videos. Are chiʼ keʼawilo, chachomaj ri kabʼan che ukʼutik chkiwach nikʼaj chik.