Ir al contenido

Ir al índice

Testigos rech Jehová

Uchaʼik jun chʼabʼal quiché

 QAKʼASLEMAL RI OJ CRISTIANOS

Nan tat, chibʼanaʼ ronojel ri kajwatajik rech ri iwalkʼwal kekunik kkibʼano

Nan tat, chibʼanaʼ ronojel ri kajwatajik rech ri iwalkʼwal kekunik kkibʼano

Konojel ri e nan tat cristianos kkaj che ri kalkʼwal keʼux sukʼ taq rajpatanelabʼ ri Jehová. Kixkunik keʼitoʼ we kikoj ichuqʼabʼ che uyaʼik pa kanimaʼ ri qastzij kʼo pa ri Biblia are chiʼ e nitzʼ na (Dt 6:7; Pr 22:6). ¿La kʼax ubʼanik? Kʼax, kajwataj nim chuqʼabʼ, are kʼu kuya nim tewchibʼal (3Jn 4).

Ri e nan tat kekunik kketaʼmaj kʼi jastaq chrij ri kikʼutbʼal ri José xuqujeʼ María. E are e naqʼatalik che kebʼe «ronojel junabʼ pa Jerusalén pa ri nimaqʼij re ri okʼowem», pa neʼ rech kbʼan wajun viaje riʼ kajwataj chuqʼabʼ xuqujeʼ pwaq (Lu 2:41). Chuwach ri José xuqujeʼ María, ri más nim ubʼanik are ri kachilanik ri kifamilia rukʼ ri Jehová. Kimik, ri e nan tat xuqujeʼ kekunik kkitoʼ ri kalkʼwal pa ri utzalaj bʼe we kkiya utz kʼutbʼal rukʼ ri kitzij xuqujeʼ rukʼ ri kkibʼano (Sl 127:3-5).

ARE CHIʼ AWILOM CHI RI VIDEO XKIBʼAN RONOJEL RI XEKUN CHE UBʼANIK, CHATZALIJ UWACH RI E PREGUNTAS RIʼ:

  • Are chiʼ ri Jon xuqujeʼ Sharon Schiller xkikʼiysaj ri e kalkʼwal, ¿jas xkibʼan che ukojik nabʼe pa kikʼaslemal ri jastaq che kʼo ubʼanik rukʼ ri kikojonik?

  • ¿Jasche ri e nan tat xaq ta junam kkibʼan che kipixbʼexik ri e kalkʼwal?

  • ¿Jas kkibʼan ri nan tat che kitoʼik ri e kalkʼwal rech kkichʼij ri e kʼax rukʼ sukʼilal?

  • Che ronojel ri e chakubʼal che uyaʼom ri utinamit ri Jehová, ¿jas kakoj at rech keʼatoʼ ri e awalkʼwal rech keʼux utzalaj taq rachiʼl ri Jehová?

Chibʼanaʼ che ri chak che ri Jehová kux ri más nim ubʼanik pa ukʼaslemal ri ifamilia.