Ri Jehová Dios are kyaʼow ri taqanik re ri kʼaslemal. Jun kʼutbʼal, uyaʼom ri taqanik che ri kʼulanem kkʼis ta uwach chkixoʼl jun achi xuqujeʼ jun ixoq (Mt 19:4-6, 9). Jehová kukʼajisaj kiwach konojel ri kkibʼan ronojel uwach inmoralidad sexual (1Co 6:9, 10). Xuqujeʼ uyaʼom pixabʼ che keʼutoʼ che rilik ri katzʼyaq xuqujeʼ ri kkibʼan che usukʼumaxik kibʼ ri rajpatanelabʼ kubʼano che e junam ta kukʼ ri e nikʼaj winaq chik (Dt 22:5; 1Ti 2:9, 10).

Pa taq ri qaqʼij, sibʼalaj e kʼi winaq kkixutuj ri utaqanik ri Jehová (Ro 1:18-32). Kkiya bʼe che ri ubʼantajik wajun uwach Ulew riʼ ktaqan pa kiwiʼ rukʼ ri ubʼanik ri katzʼyaq, ri usukʼumaxik kibʼ xuqujeʼ ri kkibʼan pa ri kikʼaslemal. Kkibʼan nimal rukʼ ri tzʼilalaj kikʼaslemal xuqujeʼ kkiyoqʼ ri winaq che junam ta kibʼanik kukʼ (1Pe 4:3, 4).

Ri oj testigos rech Jehová rajawaxik kqatoʼ rukʼ chuqʼabʼ ri e utzalaj taq pixabʼ re ri Dios chrij ri moralidad (Ro 12:9). ¿Jas kqabʼan che utoʼik? Kqabʼij rukʼ utz taq tzij che nim kqil ri kqaj chuwach ri Dios, xuqujeʼ kqakoj pa ri qakʼaslemal ri e utzalaj taq upixabʼ ri Dios. Jun kʼutbʼal, are chiʼ kqachaʼ ri qatzʼyaq xuqujeʼ ri usukʼumaxik qibʼ, kojutoʼ we chojchoman chrij ri preguntas riʼ: «¿Jachin ajchaqʼe ri taqanik tajin kinkoj pa ri nukʼaslemal: la rech ri Jehová o ri rech ri uwach Ulew? ¿La kinkʼut rukʼ ri nubʼantajik che kinpatanij ri Dios?». O are chiʼ kqachaʼ ri programa o película kqilo, are utz kqachomaj we utz kril ri Jehová ri kʼo chupam, jas ri kʼaslemal xuqujeʼ we ri etzʼanem kqachaʼ ubʼanik kresaj uchuqʼabʼ ri qakojonik (Sl 101:3). ¿Jas kubʼan ri kinchaʼ ubʼanik che ri nufamilia o nikʼaj chi winaq? (1Co 10:31-33).

¿Jasche sibʼalaj nim kqil wi ri utaqanik ri Jehová chrij ri kʼulanem? Rumal che naqaj chi kʼo wi ri qʼij che Jesucristo kusachisaj uwach konojel ri itzel taq winaq xuqujeʼ ronojel ri itzel. Xaq xiw kekʼasiʼ kan ri kkinimaj ri utaqanik ri Dios (Eze 9:4-7; 1Jn 2:15-17). Rumal laʼ, nim chqilaʼ wi ri utaqanik ri Dios rech ri kkil ri utz taq qabʼantajik kkiya uqʼij (1Pe 2:11, 12).

ARE CHIʼ IWILOM CHI RI VIDEO CHATUX RACHIʼL RI JEHOVÁ: JUN ACHI XUQUJEʼ JUN IXOQ, CHAYAʼ UBʼIXIK CHRIJ RI PREGUNTAS RIʼ:

• ¿Jasche rajawaxik kqanimaj ri utaqanik ri Jehová?

• ¿Jasche rajawaxik che ri e tat nan kkikʼut ri utaqanik ri Dios chkiwach ri e kalkʼwal are chiʼ kʼa e nitzʼ na?

• ¿Jas kkibʼan ri alabʼom alitomabʼ xuqujeʼ ri nim chi kijunabʼ che kitoʼik ri winaq rech kkiriq ri rutzilal ri Dios?