Ir al contenido

Ir al índice

Testigos rech Jehová

Uchaʼik jun chʼabʼal quiché

 QʼINOMAL RE RI UTZIJ RI DIOS | MATEO 18, 19

Chqakojoʼ qachuqʼabʼ rech kojtzaq taj xuqujeʼ kqabʼan ta che nikʼaj chik ketzaq pa mak

Chqakojoʼ qachuqʼabʼ rech kojtzaq taj xuqujeʼ kqabʼan ta che nikʼaj chik ketzaq pa mak

Jesús xukoj e kʼutbʼal rech kukʼutu che sibʼalaj kqariq kʼax we kqayaʼo che kʼo kojtzaqow pa mak o che ri oj kqabʼano che nikʼaj chik ketzaq pa mak.

18:6, 7

  • Ri e tzij «taq ri makaj» kchʼaw chrij jun jastaq o jun bʼantajik che kubʼano che jun winaq chik kubʼan ri itzelal pa ri ukʼaslemal o ktzaq pa mak.

  • Are más utz na ktzeybʼax jun abʼaj kebʼal cho ri qaqul tekʼuriʼ kojkʼaq bʼi pa ri mar chuwach utzaqisaxik jun winaq pa mak.

E abʼaj kebʼal

18:8, 9

  • Jesús xubʼij chke ri rajtijoxelabʼ che kkesaj che ri kibʼaqil jun chʼaqap che nim ubʼanik junam rukʼ jun kiqʼabʼ o jun kibʼaqʼwach we kubʼano che ketzaq pa mak.

  • Más utz che kqatzaq jun chʼaqapil re ri qabʼaqil che nim ubʼanik rech kojok pa ri Rajawbʼal ri kaj, cho ukojik qachuqʼabʼ rech kqatzaq taj tekʼuriʼ kojbʼe pa ri Gehena, che are jun etal re sachbʼal wachaj.

¿Jas jastaq kuya kubʼano che kintzaq pa mak, xuqujeʼ jas kinbʼano rech kinbʼan taj che nikʼaj chik ketzaq pa mak?