Are chiʼ ri e qachalal re ri congregación rech Roma xkito che Pablo kopan chilaʼ, jujun chke ri qachalal xebʼin 64 kilómetros (40 millas) rech kekiriqaʼ kibʼ rukʼ. ¿Jas xubʼan che ri Pablo wajun kʼutbʼal riʼ re loqʼoqʼenik? Are chiʼ xerilo, «xumaltyoxij che ri Dios, xkubʼiʼ ukʼuʼx» (Hch 28:15). Pa neʼ amaqʼel are Pablo kyaʼow kichuqʼabʼ ri e congregaciones, pa wajun mul riʼ are ri Pablo kajwataj chuqʼabʼ che, rumal che tzʼapitalik (2Co 13:10).

Kimik, ri e ajsolinelabʼ re circuito kekisolij ri e congregaciones rech kkiya kichuqʼabʼ ri e qachalal. Jujun taq mul, e kosinaq, kebʼisonik xuqujeʼ kʼo ta kichuqʼabʼ, junam kukʼ konojel ri e rajpatanelabʼ ri Dios. ¿Jas kojkunik kqabʼano rech kqaya uchuqʼabʼ ri ajsolinel re circuito xuqujeʼ ri rixoqil, rech ri kisolinik qas kubʼano che kqaya qachuqʼabʼ chbʼil qibʼ? (Ro 1:11, 12).

• Kojbʼe pa ri e riqbʼal ibʼ rech kojbʼe che utzijoxik ri utzij ri Dios. Kuya chuqʼabʼ che ri ajsolinel re circuito are chiʼ krilo che kqakoj qachuqʼabʼ che utzijoxik ri utzij ri Dios pa ri semana riʼ (1Te 1:2, 3; 2:20). Chakojoʼ achuqʼabʼ che kabʼan ri precursorado auxiliar pa ri ikʼ che kopan ri ajsolinel. ¿La katkunik katas atiempo che utzijoxik ri utzij ri Dios rukʼ ri ajsolinel re circuito o rukʼ ri rixoqil, o rech kebʼe awukʼ che uyaʼik jun etaʼmanik re ri Biblia? Kachomaj taj che kʼi ta tiempo amajim chi utzijoxik ri utzij ri Dios o utz ta kabʼan che, e areʼ utz kkilo keʼel kukʼ konojel ri e publicadores re ri congregación.

• Chqakʼutuʼ utz animaʼ. ¿La kojkunik kqabʼij chke che kekanaj kan pa qachoch o keqasikʼij che jun kiwa? Rukʼ wariʼ kojkunik kqakʼutu che keqaj. Ri e areʼ kkeyeʼj taj che kbʼan kʼi jastaq che kukʼam bʼi kʼi tiempo (Lu 10:38-42).

• Kqatatabʼej ri e upixabʼ xuqujeʼ kqakoj pa ri qakʼaslemal. Ri ajsolinel re circuito rukʼ loqʼoqʼebʼal kojutoʼ rech utz upatanexik ri Jehová kqabʼano. Weneʼ jujun mul ko kojupixbʼej (1Co 5:1-5). We kojnimanik xuqujeʼ kqabʼan ri jastaq pa neʼ kʼax ubʼanik, ri ajsolinel rukʼ kikotemal kubʼan ri uchak (Heb 13:17).

• Chqakʼutuʼ maltyoxinik. Chqabʼij che ri ajsolinel xuqujeʼ che ri rixoqil ri utzilal kqariqo che ri uchak. Xuqujeʼ katkunik katzʼibʼaj pa jun alaj wuj ri amaltyoxinik (Col 3:15).