Ir al contenido

Ir al índice

Testigos rech Jehová

Uchaʼik jun chʼabʼal quiché

 QAKʼASLEMAL RI OJ CRISTIANOS

Chakojoʼ ri wuj «Chichajij iwibʼ pa ri loqʼoqʼebʼal ukʼuʼx ri Dios» rech kopan pa kanimaʼ ri winaq

Chakojoʼ ri wuj «Chichajij iwibʼ pa ri loqʼoqʼebʼal ukʼuʼx ri Dios» rech kopan pa kanimaʼ ri winaq

RI RUMAL CHE RAJAWAXIK. Ri e winaq rajawaxik kketaʼmaj chrij ri upixabʼ ri Jehová xuqujeʼ kkibʼan pa ri kikʼaslemal rech kkʼam ri kiqʼijilanik (Isa 2:3, 4). Ri wuj «Loqʼoqʼebʼal ukʼuʼx ri Dios», ri ukabʼ wuj che kkoj che etaʼmanik, keʼutoʼ ri winaq rech kkichʼobʼ ri ubʼanik ri upixabʼ ri Dios rukʼ kikʼaslemal (Heb 5:14). Rajawaxik kqakoj qachuqʼabʼ rech qas kopan pa kanimaʼ ri winaq, are chiʼ kkikʼex ri kikʼaslemal, qas kkibʼan rukʼ kanimaʼ (Ro 6:17).

RI KQABʼANO:

  • Qas chatijoj awibʼ. Chatchoman chrij ri kajwataj che ri ajtijoxel. Chataʼ ri kuchomaj chrij ri tajin kretaʼmaj rech kawetaʼmaj ri kunaʼo xuqujeʼ ri kuchomaj (Pr 20:5; be-S pág. 259).

  • Chakojoʼ ri e recuadros rech katoʼ ri ajtijoxel rech krilo che kuya utzilal ri ukojik ri pixabʼ re ri Biblia.

  • Chatoʼ ri ajtijoxel rech kchoman chrij ri jastaq che areʼ kchaʼowik, are kʼu at taj katbʼin che ri kubʼano (Gál 6:5).

  • Chawilaʼ we rajawaxik katoʼ ri ajtijoxel rech kukoj ri pixabʼ re ri Biblia pa ukʼaslemal. Rukʼ utz taq tzij, chabʼij che kukʼex ri ukʼaslemal rumal ri uloqʼoqʼebʼal che ri Jehová (Pr 27:11; Jn 14:31).