Ir al contenido

Ir al índice

 QAKʼASLEMAL RI OJ CRISTIANOS

Chqakʼutuʼ ri qastzij

Chqakʼutuʼ ri qastzij

Kumajij pa septiembre, ri wuj re chak kriqitaj jun kʼakʼ ubʼantajik ri kʼutbʼal, rukʼ ri ubʼiʼ «Chqakʼutuʼ ri qastzij». Ri kqaj kqabʼano are kqakʼut jun qastzij che esam pa ri Biblia rukʼ jun pregunta xuqujeʼ jun texto rech ri Biblia.

We kqilo che ri winaq utz krilo, kojkunik kqaya kan jun pregunta rech kqasolij jumul chik rukʼ ri wuj qayaʼom kan che o kqakʼut jun video re jw.org. Chqakojoʼ qachuqʼabʼ rech kojtzalij rukʼ jumul chik pa kebʼ oxibʼ qʼij rech kqachaplej chi jumul ri tzijonem. Ri e kʼakʼ kʼutbʼal xuqujeʼ ri chak kyaʼ chke ri ajtijoxelabʼ kesax chupam ri e kʼutunem re ri wuj Su qas kukʼut lenguaje sencillo. Are chiʼ majaʼ kel lo ri wuj riʼ, are kkoj ri wuj ¿Su qas kukʼut ri Loqʼalaj Pixabʼ?, che sibʼalaj utz che kisolixik chi jumul ri winaq o che uyaʼik jun etaʼmanik che xaq xiw kkoj ri Biblia.

Xa jun bʼe kʼolik che kojukʼam bʼi pa ri kʼaslemal (Mt 7:13, 14). Rumal che ri winaq jalajoj ri kikojonik xuqujeʼ ri kibʼantajik, rajawaxik che utz ukʼutik ri qastzij kqabʼano (1Ti 2:4). Are chiʼ qas kqetaʼmaj ri jalajoj kʼutunem re ri Biblia xuqujeʼ rech utz kqabʼan che ukojik ri tzij re ri qastzij, kubʼano che kojkikot más xuqujeʼ más utz kqabʼan che ukʼutik ri qastzij chke ri winaq (2Ti 2:15).