Ir al contenido

Ir al índice

Testigos rech Jehová

Uchaʼik jun chʼabʼal quiché

 QAKʼASLEMAL RI OJ CRISTIANOS

Chayaʼ jun utzalaj kipetik

Chayaʼ jun utzalaj kipetik

¿E jachin ri kqaya utz kipetik? Konojel ri keʼopan pa ri riqbʼal ibʼ, ri e winaq che kʼateʼ nabʼe mul keʼopanik, o ri ojer chik qetaʼm kiwach (Ro 15:7; Heb 13:2). * Weneʼ jun qachalal che kpe pa jun chi tinamit o jun cristiano inactivo che jumul chik kopanik rumal che qʼaxinaq chi kʼi junabʼ. ¿Jas kanaʼ at wet at kʼo pa kikʼolbʼal? ¿La utz ta kawilo we kkiya utz apetik? (Mt 7:12). Rumal laʼ utz che kqakoj qachuqʼabʼ rech kqaya utz kipetik ri keʼopan pa ri Ja rech Ajawbʼal nabʼe o are chiʼ kkʼis ri riqbʼal ibʼ. Wariʼ kubʼano che kux jun utzalaj kʼolbʼal rech jororibʼal (Mt 5:16). Qastzij, che weneʼ kojkun taj kojtzijon kukʼ konojel ri keʼopanik. Are kʼu, we qonojel kqakoj qachuqʼabʼ, konojel riʼ utz kkilo keʼopanik.

Kikʼulaxik ri e winaq rajawaxik che amaqʼel kbʼanik, xaq xiw ta pa jun riqbʼal ibʼ nim ubʼanik, junam rukʼ ri Unaʼtabʼalil ri ukamikal ri Jesús. Are chiʼ ri winaq kʼateʼ nabʼe mul keʼopanik kkil ri loqʼoqʼebʼal che kʼo chkixoʼl ri cristianos, kubʼan chke che kkaj kkiqʼijilaj ri Dios xuqujeʼ kkaj kepe pa ri qastzij qʼijilanik (Jn 13:35).

^ párr. 3 Junam rukʼ ri pixabʼ re ri Biblia utz taj che kqaya rutzil kiwach ri e esam bʼi pa ri congregación o ri kixutum kan ri kojonik che keʼopan pa ri riqbʼal ibʼ (1Co 5:11; 2Jn 10).