Ir al contenido

Ir al índice

Testigos rech Jehová

Uchaʼik jun chʼabʼal quiché

 QAKʼASLEMAL RI OJ CRISTIANOS

Jun kʼakʼ tobʼanik rech kmaj tzijonem

Jun kʼakʼ tobʼanik rech kmaj tzijonem

Xumaj lo pa enero re 2016, ri kʼisbʼal uxaq rech ri wuj La Atalaya chke konojel ri winaq rekʼam lo ri kʼutunem ubʼiʼ «¿Qué dice la Biblia?». Wajun kʼutunem riʼ chomam rech kojutoʼ che umajixik tzijonem. Ri ubʼantajik xaq junam rukʼ ri alaj taq wuj: rekʼam lo jun pregunta che kubʼano che ri winaq kubʼij ri kuchomaj, xuqujeʼ kuya ubʼixik chrij ri pregunta rukʼ jun uchʼaqapil ri Biblia xuqujeʼ nikʼaj chik chomanik.

Amaqʼel, kʼo winaq kumaj jun etaʼmanik rech ri Biblia are chiʼ kʼo jun utzalaj tzijonem chrij jun kʼutunem rech ri Biblia. Chakojoʼ wajun chʼaqapil riʼ che kitoʼik ri kkaj kketaʼmaj chrij ri Jehová (Mt 5:6).

RI KBʼAN CHE UKOJIK:

  1. Chataʼ che ri winaq ri kuchomaj chrij jun chke ri preguntas.

  2. Chatatabʼej xuqujeʼ chamaltyoxij ri kubʼij.

  3. Chasikʼij uwach ri chʼaqapil re ri Biblia che kʼo chuxeʼ ri kʼutunem «Lo que dice la Biblia» xuqujeʼ chataʼ ri kuchomaj. We jamal uwach ri winaq, chakojoʼ jun chke ri chomanik che kʼo chuxeʼ ri epígrafe: «¿Qué más dice la Biblia?».

  4. Chatzujuj ri revista.

  5. Chabʼij che ri winaq che jumul chik kiwil chrij jun pregunta chik.