Kʼutunem 1

Su (o jas) kabʼan che uretaʼmaxik su kuta ri Ajawaxel (Dios) chaqe

¿Su ri nimalaj täq bʼantajik kʼo pa ri Loqʼalaj Pixabʼ (o Biblia)? (1)

¿Chinlaʼ xbʼanow ri Loqʼalaj Pixabʼ? (2)

¿Suche rajawaxik katijosaj awibʼ chirij ri Loqʼalaj Pixabʼ? (3)

1. Ri Loqʼalaj Pixabʼ are jun nimalaj sipanik uyaʼom ri Ajawaxel chaqe. Junam rukʼ jun wuj che kutzʼibʼaj jun utzalaj tat chike ralkʼwal. Kubʼij ri qastzij chirij ri Ajawaxel: chinlaʼ areʼ (o rë) xuqujeʼ chike ri utaqonik. Kubʼij chaqe su kqabʼan chuwäch ri kʼäx xuqujeʼ su uriqik ri qastzij kikotemal. Xiw ri Loqʼalaj Pixabʼ kubʼij chaqe su kraj kqabʼano rech kqakikotemaj (agradar) ri Ajawaxel (Salmo 1:1-3; Isaías 48:17, 18).

2. Ri Loqʼalaj Pixabʼ xtzʼibʼax rumal jun täq kawinaq (40) achijabʼ, xukʼam bʼi mil seiscientos junabʼ che utzʼibʼaxik, xmajtaj lo utzʼibʼaxik pa ri junabʼ 1513 nabʼe chuwäch täq uqʼij ri Jesús. Chupam kʼo 66 alaj täq wuj. Ri Ajawaxel xubʼij lo ri upixabʼ chike ri ajtzʼibʼ, wariʼ kraj kubʼij che xketzʼibʼaj unoʼjibʼäl ri Ajawaxel, are ta kech e areʼ (o aret kech kë). Rumal waʼ, are ta jun winaq kʼo chuwäch ulew xubʼano, are ri Ajawaxel kʼo pa ri kaj (2 Timoteo 3:16, 17; 2 Pedro 1:20, 21).

3. Ri Ajawaxel qas xubʼan rilik che tzʼaqat xbʼan che utzʼibʼaxik ri Loqʼalaj Pixabʼ, xuqujeʼ xuchajej rech ksach ta uwäch. Are kʼi täq Biblia (o Loqʼalaj Pixabʼ) bʼanom chuwäch nikʼaj chik wuj. Ronojel täj kekikotik we katijosaj awibʼ che ri Loqʼalaj Pixabʼ, rukʼ waʼ xaq mayaʼo che wariʼ katuqʼatij (o katuʼatmij). Ri akʼaslemal petinäq che kʼot ukʼisik xiw kariqo we kawetamaj uwäch ri Ajawaxel xuqujeʼ we kʼo chʼoj kpe chawij o kʼo täj, chabʼana chike täq kraj ri Ajawaxel (Mateo 5:10-12; Juan 17:3).