Kʼutunem 2

¿Chinlaʼ ri Ajawaxel?

¿Chinlaʼ ri qastzij Ajawaxel, xuqujeʼ su ubʼiʼ? (1, 2)

¿Suche ri winaq kekun täj kekil ri Ajawaxel? (3)

¿Su täq kubʼan nim che ri Ajawaxel? (4)

¿La kraj kqakoj tyox rukʼ täq wachbʼäl (imágenes) rech kqayaʼ uqʼij (o kqaqʼijlaj)? (5)

¿Su kebʼ ubʼanik rech kojkunik kqetamaj chirij ri Ajawaxel? (6)

1. Ri winaq kkeya uqʼij kʼi täq sutaq (cosas). Ri Loqʼalaj Pixabʼ kubʼij che xiw kʼo jun QASTZIJ Ajawaxel. Areʼ xubʼan ronojel su kʼo pa ri kaj xuqujeʼ ri kʼo cho ruwäch ulew, areʼ xuya qakʼaslemal, xiw che areʼ rajawaxik kqaya uqʼij (1 Corintios 8:5, 6; Apocalipsis 4:11).

2. Ri Ajawaxel xiw jun ubʼiʼ kʼolik, rubʼiʼ are: JEHOVÁ. Pa jalajoj uwäch täq biblias kechupum ubʼiʼ ri Ajawaxel xuqujeʼ kekojom Señor o Ajawaxel che. Chiʼ xtzʼibʼax ri Loqʼalaj Pixabʼ ri bʼiʼaj Jehová kriqtajik jun täq 7.000 mul chupam (Éxodo 3:15; Salmo 83:18, NM).

3. Ri Jehová junam ta qukʼ. Ri Loqʼalaj Pixabʼ kubʼij che «ri Dios [are jun] uxlabʼal [o espíritu]» (Juan 4:24). Jun uxlabʼal are jun uwäch kʼaslemal che kojkun  täj kqilo. Nijun winaq rilom uwäch ri Ajawaxel. Ri Jehová kʼo pa ri kaj, ronojel kkunik krilo (Salmo 11:4, 5; Juan 1:18). ¿Sulaʼ ri Ixlabʼixel (o Espíritu Santo)? ¿La junam rukʼ ri Ajawaxel? Je täj. Ri Ixlabʼixel are ri uchoqʼabʼ ri Jehová (Salmo 104:30).

4. Ri Loqʼalaj Pixabʼ kukʼut che qawäch chike ri ubʼantajik ri Jehová. Kubʼij chaqe che are wariʼ kkunik kubʼan ri Ajawaxel: sukʼilal, o justicia, kʼo retaʼmbʼäl, kʼo nim uchoqʼabʼ xuqujeʼ sibʼalaj kojraj (o kojuloʼoj) (Deuteronomio 32:4; Job 12:13; Isaías 40:26; 1 Juan 4:8). Xuqujeʼ kubʼij che ri Ajawaxel Jehová sibʼalaj utz, kukuy qamak, kʼo jun sipanel ukʼuʼx, xuqujeʼ matan kpe riwal. Junam cha täq akʼalabʼ che kenimanik xuqujeʼ rajawaxik kqabʼan qe junam kukʼ (Efesios 5:1, 2).

5. ¿La utz kojxukiʼ (o kojxkeʼ) che kiwäch bʼanom täq tyox xuqujeʼ kojchʼaw kukʼ? Utz täj (Éxodo 20:4, 5). Ri Jehová kubʼij che xiw che areʼ rajawaxik kqaya uqʼij. Kraj täj che kqaya uqʼij nikʼaj chik. Xuqujeʼ ri täq tyox kʼot kichoqʼabʼ rech kojkitoʼo (Salmo 115:4-8; Isaías 42:8).

6. ¿Su kqabʼano rech kqetamaj uwäch ri Ajawaxel? Jun ubʼanik are kqil ronojel su täq ubʼanom xuqujeʼ chiʼ kqachomaj (o kqachʼobʼ) rij su täq kubʼij wariʼ chaqe. Ronojel ubʼanom ri Ajawaxel kukʼut chaqe che kʼo nim uchoqʼabʼ xuqujeʼ nim retaʼmbʼäl. Rukʼ ronojel ubʼanom kukʼut che qawäch che sibʼalaj kojraj (Salmo 19:1-6; Romanos 1:20). Ri jun chik uretaʼmaxik utzij ri Ajawaxel are utijosaxik qibʼ che ri Loqʼalaj Pixabʼ. Pa we wuj riʼ kubʼij chaqe su ubʼantajik ri Ajawaxel. Xuqujeʼ kubʼij chaqe ri täq kraj kubʼano xuqujeʼ chike täq kraj che öj kqabʼano (Amós 3:7; 2 Timoteo 3:16, 17).

[Täq wachbʼäl pa ri 5 uxaq wuj]

Rumal ronojel ri ubʼanom xuqujeʼ rukʼ ri kʼo pa ri Loqʼalaj Pixabʼ kqetamaj uwäch ri Ajawaxel