¿Ima suyakuytaj wañusqaspaj kan?

Wañusqasqa puñusqa jina kashanku, chayrayku mana imatapis yachankuchu, nitaj imatapis ruwayta atinkuñachu. Chaywanpis kausayta Qojqa, wañuymanta rijchʼarichiyta atin. Chaytataj Jesusman wañusqasta kausarichinanpaj atiyta qospa rikucherqa. (Eclesiastés 9:5; Juan 11:11, 43, 44 leey.)

¿Imaraykutaj wañusqas puñusqa jina kashasqankuta nikun?

Hora chayamojtin, Diospa yuyayninpi tukuy kajkuna, mosoj pachapi kausarimonqanku. Payqa maychus tʼaqasqan tiemponpi wañusqasta jatarichimunanta nin. Arí, tukuy atiyniyoj Diosninchejqa, wañusqasta atiyninwan rijchʼarichiyta munashan. (Isaías 26:19 leey.)

¿Imaynatataj wañusqas kausarimonqanku?

Kausarimojkunaqa pichus kasqankuta yachanqanku, familiasninkuta, amigosninkutapis rejsikaponqanku. Aycha cuerponku ismusqaña kajtinpis, Diosqa, ñaupajpi imaynachus kasqankuman jina uj mosoj cuerpota qonqa. (1 Corintios 15:35, 38 leey.)

Pisi runaslla cielopi kausanankupaj jatarimonqanku (Apocalipsis 20:6). May chhika runastaj, paraíso Jallpʼapi wiñaypaj kausanankupaj wañuymanta kutirimonqanku. Watejmanta kausayta qallarenqanku, munaspataj ni jaykʼaj wañonqankuchu. (Salmo 37:29; Hechos 24:15 leey.)