Ir al contenido

Ir al índice

 BIBLIAJ KUTICHIYKUNASNIN

Bibliaj kutichiykunasnin

¿Imaraykutaj Jesús, Diospa Churin kasqanta nikun?

Diosqa tukuy kausajkunajpata Ruwajnin. Chayrayku wawasniyoj kananpaj, mana uj warmita necesitanchu. Runasqa, kʼacha kaykunasninta rikuchinapaj jina ruwasqa kanchej. Chayrayku ñaupaj runa Adanqa, “Diospa churin” nisqa karqa. Jesuspis Tatanpa kʼacha kaykunasninta rikuchiyta atinanpaj ruwasqa kasqanrayku, “Diospa Churin” sutichakun. (Lucas 3:38; Juan 1:14, 49 leey.)

¿Maykʼajtaj ruwasqa karqa?

Diosqa tukuy ruwasqasninmanta Jesusta ñaupajta ruwarqa, paynejtataj tukuy imata ruwarqa, angelestapis. Adanpis chaymantaraj ruwasqa karqa. Chayrayku Bibliaqa, Jesús “tukuy ruwasqa kajmanta aswan” ñaupaj kasqanta nin. (Colosenses 1:15, 16 leey.)

Jesusqa niraj Belenpi nacekushaspa, cielopi uj ángel karqa. Jallpʼaman jamunan tiempo chamojtintaj, Jehovaqa Churin Jesuspa kausayninta Mariaj wijsanman runa jina nacekunanpaj churarqa. (Lucas 1:30-32; Juan 6:38; 8:23 leey.)

¿Imaraykú Jesús Jallpʼapi runa jina nacekorqa? ¿Imapajtaj Dios kachamorqa? Chay tapuykunaj kutichiyninta Bibliapi tarinki. Dioswan Jesuswan imatachus noqanchejrayku ruwasqankuta yachaspataj, mayta agradecekunki.