¿Imataj Diospa sutin?

Tukuypis sutiyoj kanchej, misinchej, alqonchej ima, ¿icharí? Bibliaqa, Diosmanta, “Tata Dios”, “Tukuy Atiyniyoj”, “Ruwaj” ima kasqanta nin. Chantapis sutinta nillantaj. (Isaías 42:8 * leey.)

Ashkha Bibliaspi Diospa sutin Salmo 83:18 versiculopi rikhurin. Sutʼinchanapaj, Traducción del Nuevo Mundo de Las Santas Escrituras nisqapi, chay versiculopi nin: “Tukuy runas yachachunku, sutiykeqa Jehová kasqanta qanlla tukuy kay jallpʼa patapi Dios kanki”, nispa.

¿Imaraykú Diospa sutinta oqharinanchej tiyan?

Diosqa, sutinta oqharinanchejta munan. Amigonchejwan parlarishaspa sutinta oqharinchej, ¿icharí? Dioswan parlarishaspapis kikillantataj ruwananchej tiyan. Jesucristopis, Diospa sutinta oqharinanchejta nerqa. (Mateo 6:9; Juan 17:26 leey.)

Diospa amigon kanapajqa, mana sutillantachu yachananchej tiyan. ¿Imaynataj Diosrí? ¿Payman qayllaykuyta atisunmanchu? Kay tapuykunaj, waj tapuykunaj kutichiyninta ima Bibliapi tarinki.

^ párrafo 3 Isaías 42:8 (Qhechua de Cuzce) “Ñoka Jehová cani, chayka sutiymin. Mana wajman gloriayta konichu, nirajtaj alabanzayta idolosman.