Ir al contenido

Ir al índice

¿Yuyarikunkichu?

¿Yuyarikunkichu?

 ¿Yuyarikunkichu?

¿Kay killasmanta Torremanta Qhawaj revistasta leerqankichu? ¿Kay tapuykunaman kutichiyta atiwajchu?

¿Imatá Salomonpa kausaynin yachachiwanchej?

Diosqa rey Salomonta bendicerqa, apaykacharqataj. Salomontajrí kamachishaspa, niña Diospa yuyaychasqanman jinachu ruwarqa. Llulla diosesta yupaychaj Faraonpa wawanwan, ashkha warmiswan ima casarakorqa. Paykunataj llulla yupaychayman tanqarqanku. Chayrayku, pisimanta pisi sajra yuyaykuna chayri ruwaykuna noqanchejpi saphichakunanta ni saqenachu (Deu. 7:1-4; 17:17; 1 Rey. 11:4-8) (15/12, páginas 10-12).

¿Imaynataj espirituman jina kausaj runa?

Espirituman jina kausaj runaqa, Diospa leyesninta jatunpaj qhawan. Jehovatapis amigonta jina qhawan, pay jina kʼacha kaykunata rikuchinanpajtaj kallpachakun (Efe. 5:1). Runa masinpajqa munakuyniyoj, kʼacha, pacienciayoj ima (Éxo. 34:6). Mana allin rejtinpis Diosta kasukunpuni (Sal. 15:1, 4) (1/1, páginas 11-13).

Casarasqa kausaypi chʼampay kajtin, ¿tʼaqanakunankuchu tiyan?

Casarasqa kausaypi chʼampaykuna rikhurejtin, munakuyninkuta rikuchinakunanku tiyan (1 Cor. 13:4-6). Bibliaqa, qhariwarmi kausaypi chʼampay rikhurejtin, allinchanankupaj mana tʼaqanakunankutachu kamachin. Cristianoqa, mana aguantay atina chʼampay kajtillan tʼaqakuyta atinman (1 Cor. 7:10-13) (1/1, páginas 16, 17).

¿Imatataj wawas, Ester kasukoj kasqanmanta yachakunkuman?

Esterqa Mardoqueota tatanta jina kasojpuni, mana paywan kashajtinpis. Kunanpis, tatas chayri wawasta uywajkuna, wawasninku sapallanku kashaspa tukuy imapi kasukojtinku, mayta kusikunku. Jehovatapis Ester jina, mayta kusichinku (Pro. 27:11) (1/1, páginas 20, 23).

¿Imaynatá uj tata wawanta pisipaj mana qhawakunanpaj yanapanman?

Imatapis sumajta ruwasqanmanta, nisqanmanta ima, allinta ruwasqanta nispa. Chantapis wawanta pisipaj mana qhawakunanpaj, aswan qhepaman imatachus ruwananta nisqasninta juntʼananpaj yanaparispa (1/1, páginas 26-28).

¿Uña wawitasta bautizakunanchu tiyan?

Mana. Bautizakuyta munajqa, Jesuspa discipulonraj kanan tiyan, nisunman Jesusta rejsinan tiyan, qhepantataj riyta ajllanan tiyan (Mat. 28:19, 20). Chaytataj uj uña wawaqa mana ajllayta atinchu (1/1, página 31).

¿Imaynatá yachanchej Jesuspa tiemponmantapacha, Jallpʼapi ajllasqa cristianos kasqankuta?

Jesusqa, “trigo[manta]”, “cizaña” qhoramanta ima rijchʼanachinanpi, “sumaj muju”, “janaj pacha reinoj wawasnin” kasqanta nerqa (Mat. 13:24-30, 38). Cizaña qhoraqa cosechakama trigowan khuska wiñanan karqa. Chayrayku, pikunachus trigowan ninakusqankuta mana yachaspapis, unaymantapacha, ajllasqa cristianos kasqankutapuni nisunman (15/1, página 7).

¿Imaynatá envidiakuyta atipasunman?

Kaykuna yanapawasunman: hermanosta astawan munakuy, Diosta yupaychajkunawan astawan masichakuy, allin kajta ruway, kusikojkunawan kusikuy ima (Rom. 12:15) (15/2, páginas 16, 17).

¿Imatataj wajkunata yuyaychanapaj ruwana?

Imachus kasqanta allintaraj entiendena, ama usqhayllata kutichinachu, llampʼu sonqowan Diospa Palabranman jina, publicacionesman jina ima yuyaychana. Imatachus ruwanankutataj ama ajllapunachu (15/3, páginas 7-9).