Ir al contenido

Ir al índice

 9 YACHAQANA

Jeremiasqa Jehovamanta willallarqapuni

Jeremiasqa Jehovamanta willallarqapuni

¿Imaraykutaj runas Jeremiaswan phiñasqa kashanku?

Jeremiastaqa, Jehová yanaparqa pujyumanta orqhosqa kananpaj

Runasqa, Jehovamanta parlajtinchej wakin kuti asikunku chayri phiñakunku. Jinapi rikukuspa manaña willayta munanchejchu. ¿Qanpis wawáy, ajinapi rukukorqankichu?... Bibliaqa uj runaj kausayninmanta willawanchej, payqa Jehová Diosta munakoj, jinapis Diosmanta willayta casi saqerqa. Payqa Jeremías karqa. Paymanta astawan parlarina.

Jehovaqa, Jeremiasman jovenllaraj kashajtin uj kamachiyta qorqa. Payqa runasman willanan karqa, sajra kausayninkuta saqenankupaj. Chayta ruwaytataj mana atillarqachu, manchachikorqataj. Chayrayku Jehovaman nerqa: “Jovenllaraj kani, nitaj sumajta parlaytapis atinichu”, nispa. Jehovarí nerqa: “Ama manchachikuychu, noqa yanapasqayki”, nispa.

 Chaymantataj, Jeremiasqa runasman nerqa: “Jinallapuni kankichej chayqa, Dios castigasonqachej”, nispa. Runasrí, ¿kasorqankuchu?... Astawanpis asikorqanku, wakintaj phiñakorqanku. Wakinrí, wañuchiytataj munarqanku. ¿Imaynataj Jeremías kasharqa?... Mayta manchachikorqa, niña Jehovamanta parlaytapis munarqachu. ¿Nisqanman jinapunichu ruwarqa?... Mana. Jeremiasqa, Jehovata munakusqanrayku, willallarqapuni. Mana manchachikuyninwan atipachikorqachu. Chayrayku Jehovaqa, enemigosninmantapis jarkʼarqa.

Uj kuteqa, Jeremiasta sajra runas pujyuman wijchʼuykorqanku. Chaypitaj mana mikhuna karqachu, nitaj yakupis. Chay runasqa, chaypi Jeremías wañunanta munarqanku. Jeremiasrí mana wañorqachu. Jehová yanaparqa chay pujyumanta orqhonankupaj.

¿Imatá Jeremiasmanta yachakunki wawáy?... Jeremiasqa, wakin kutipi manchachikuspapis Jehovamanta parlallarqapuni. Ichá Diosmanta willajtiyki, runasqa asikonqanku chayri phiñakonqanku. Pʼenqakunki chayri manchachikunki chaypis, Jehovamanta willallaypuni. Payqa yanapasonqapuni Jeremiasta jina.

BIBLIATA LEENAPAJ:

  • Jeremías 1:4-8; 20:7-9; 26:8-19, 24; 38:6-13