Ichá ninki...

  • ... Diospa atiyninpi.

  • ... runaspa atiyninpi.

  • ... Satanaspa atiyninpi.

 BIBLIAQA NIWANCHEJ

“Mundontin[...] supaypa atiyninpi kasqanta.” (1 Juan 5:19, Qheshwa Biblia.)

“Diospa Churenqa jamorqa chay Kuraj Supaypa ruwasqasninta phirinampaj.” (1 Juan 3:8, Diosmanta Qhelqasqa.)

¿IMAYNATATAJ YANAPAWANCHEJ?

Kay pachapi imaraykuchus chʼampaykuna kasqanta entiendenapaj yanapawanchej (Apocalipsis 12:12).

Uj sumaj pachata suyakunapaj yanapawanchej (1 Juan 2:17).

 ¿IMARAYKUTAJ BIBLIAJ NISQANPI ATIENEKUSUNMAN?

Imaraykuchus:

  • Satanaspa kamachiynenqa chinkanqa. Jehová Diosqa, Satanaspa sajra kamachiyninta tukuchenqapuni. Payqa “Kuraj Supayta” atipanqa. Tukuy imatataj allinchanqa (Hebreos 2:14).

  • Diosqa Jesucristota ajllan kamachinanpaj. Jesusqa, mana kay pachata kamachej kuraj supay jinachu. Jesuspa kamachiyninmanta, Dios jinata nin: “Llampʼu sonqoyojkunata khuyakonqa, wajchakunatataj wañuymanta salvanqa. Ñakʼarichispa sarojkunaj makisninkumanta runasta salvanqa”, nispa (Salmo 72:13, 14).

  • Diosqa mana llullakunchu. Bibliaqa, “mana jaykʼaj llullakoj Dios[...]” kasqanta nin (Hebreos 6:18). Cheqamantapuni nisunman, Jehová imatachus nisqanta juntʼananta (Isaías 55:10, 11). Pay nerqa: “Kunanmá kay pachata kamachejqa jawaman wijchʼusqa kanqa”, nispa (Juan 12:31).

 ICHÁ TAPURIKUNKI

¿Imaynataj kay pacha kanqa manaña Satanaspa atiyninpi kajtin?

Kay tapuypa kutichiyninta tariwaj kay SALMO 37:10, 11; APOCALIPSIS 21:3, 4.