Ir al contenido

Ir al índice

 13 YACHAQANA

¿Pitataj precursor niyku?

¿Pitataj precursor niyku?

Canadá

Wasimanta wasi willaspa

Bibliamanta yachachishaspa

Bibliata sapallanpi ukhunchashaspa

Uj precursorqa, ñaupajta rispa, wajkuna purinankupaj ñanta kichan. Jesuspis uj precursor jinallataj kasqanta nisunman, imaraykuchus Jallpʼaman jamuspa, sumaj willayninwan “runas salvasqa kanankupaj” ñanta kicharerqa (Mateo 20:28). Noqaykupis Jesús jina, runaman willamunaykupaj tukuy tiempoykuta churayku (Mateo 28:19, 20). Wakintaj precursor kayta ajllanku.

Tukuy tiemponta Diosmanta willananpaj churajta. Tukuyniyku, sumaj willaykunata willamuyku. Chaywanpis wakenqa, sapa killa 70 horasta Diosmanta willanankupaj tiempochakunku. Paykunataj precursores regurales nisqa kanku. Chaypajqa ashkhas, khuskan pʼunchayllata llankʼanku. Wakintaj precursores especiales kanankupaj ajllasqas kanku. Paykunataj maypichus astawan willajkuna necesitakun, chayman kachasqas kanku. Sapa killataj 130 horasta chayri astawan runaman willanku. Precursoresqa maychus kajllawan kausakunku, necesitasqankuta Jehová qonanpitaj atienekunku (Mateo 6:31-33; 1 Timoteo 6:6-8). Precursor regular chayri especial mana kayta atejkunataj, precursores auxiliares kayta atinku, 30 chayri 50 horasta sapa killa willanankupaj.

Diosta, runa masinta ima, munakusqanrayku precursor jina llankʼan. Noqaykupis Jesús jinallataj, runas mana michejniyoj ovejas jina kashasqankuta reparayku (Marcos 6:34). Chaywanpis, kunan, aswan qhepaman ima, imachus kusisqas kausakunankupaj yanapananta yachayku. Precursorqa, runa masinta munakusqanrayku tiemponta, kallpanta ima yanapananpaj churan (Mateo 22:39; 1 Tesalonicenses 2:8). Chayta ruwaspataj, creeyninta kallpachan, Jehovaman astawan qayllaykun, may kusisqataj kakun (Hechos 20:35).

  • ¿Pitataj precursor niyku?

  • ¿Imataj precursor jina llankʼananpaj tanqan?