Munasqa masi kapuwaptinchik, payjina kayta munanchik, jatunpaqtaq payta qhawanchik. Bibliaqa nin: “Kʼacha sonqo, cheqampunitaj Tata Diosqa” (Salmo 25:8). Allin runa, chiqan runa kananchik tiyan, Diospa masin kanapaqqa. “Diospa munasqa wawasnin kaspa, payta qhawarispa kikinta ruwaychej. Jinallatataj munanakuypi puriychej” Biblia ninwanchik (Efesios 5:1, 2). Jehovata yachapayanapaqqa, kay wakinkunata ruwana:

Tukuyta yanapaspa. “Sapa kuti tukuypaj allinta ruwana.” (Gálatas 6:10.)

Sumaq llamkʼaqkuna kaspa. “Ñawpajta pichus suwayta yachajqa amaña suwachunchu; manachayqa makisninwan allin kajta ruwaspa trabajachun.” (Efesios 4:28.)

Kawsayninchikpi, ukhunchikpi llimphu kaspa. “Cuerponchejta, sonqonchejtapis llimphuchakuna tukuy chʼichi kajmanta. Diosta manchachikuspa, astawan astawan juchamanta tʼaqakuna.” (2 Corintios 7:1.)

 Ayllunchikta munakuspa, jatunpaq qhawaspa. “Chaywampis qankunamanta sapa uj munakuchun warminta pay kikinta jina. Warmipis qosanta jatumpaj qhawachun tukuy imapi. Wawas, [...] tataykichejta mamaykichejta kasuychej.” (Efesios 5:33–6:1.)

Tukuyta munakuspa. “Purajmanta munanakunachej, imaraykuchus munakoyqa Diosmantamin.” (1 Juan 4:7.)

Llaqtap kamachiyninta kasukuspa. “Tukuy runas kamachejkunata kasuchunku [...]. Tukuy manuykichejta juntʼaychej: Pimanchus impuesto pagana kajtenqa, chay impuestota pagaychej.” (Romanos 13:1, 7.)