Runas Noemanta asikuchkanku

NOEQA warmiyuq, 3 wawayuq, ima karqa. Wawasninqa Sem, Cam, Jafet ima, sutichakurqanku. Kimsantintaq casarakurqanku. Jinamanta Noep ayllun pusaq runayuq kasqanta nisunman.

Diosninchik Noeta mana jayk’aq riqsikusqanta ruwananta kamachirqa. Noeqa juk jatun arcata ruwanan karqa. Kay arcaqa juk jatun barcojina karqa, chhuqu cajaman rikch’akurqa. Dios nirqa, ‘kimsa alto patasniyuqta ruway, ukhunpitaq familiaykipaq, animalkunapaq, mikhunapaq ima, achkha cuartosniyuqta ruwallaytaq’, nispa.

Noeqa arca yakupi tuytunanpaqjina ruwanan karqa. Dios nirqa, ‘ñuqaqa yaku kay pachata p’ampaykunankama jatun parata parachimusaq, ajinamanta kay Jallp’amanta tukuyta chinkachichkaq, nispa’.

Diosta kasukuspa, Noé wawasninwan, arcata ruwayta qallarirqa. Wakin runataq asikullarqanku. Noeqa Dios parachimunanmanta runaman willachkaptin, mana pipis creerqachu.

Noep familian animalesta, mikhunata ima, arcaman qhatiykuchkan

Arca may jatun kasqanrayku, may unaypi ruwarqanku. Chaymantataq, Diosninchik animalkunata arcaman yaykuchinankuta nirqa, wakinkunamanta iskayta, juk urquta juk chinatawan, wakinkunamantataq qanchista. Chantapis tukuy laya p’isqitusta arcaman apaykunanku karqa. Noeqa Diosninchik nisqanmanjina, kikinta ruwarqa.

Chaymantaraq, Noé familianwan arcaman yaykurqa. Chantapis, Dios arcap punkunta wisq’aptin, Noé familianwan paramunanta suyayta qallarinku. Chay ukhupi kasqaykita t’ukuriy. ¿Dios may jatun parata parachimunmanchu karqa?

Génesis 6:9-22; 7:1-9.



Tapuykuna

  • ¿Machkhataq Noep familian karqa, imataq kimsa churisnin sutikurqanku?
  • ¿Ima mana riqsikusqantataq Noé ruwanan karqa, imaptintaq?
  • Noé Jatun Paramanta parlaptin, ¿runa masisnin creerqankuchu?
  • ¿Imatá Dios Noeman animalkunawan ruwananta nirqa?
  • Dios arcap punkunta wisq’asqantawan, ¿imatá Noé familianwan ruwarqanku?

Wak tapuykuna

  • Génesis 6:9-22 ñawiriy.

    ¿Imaraykutaq Noé Diospa may sumaq kamachin karqa? (Gén. 6:9, 22.)

    ¿Imatataq Jehová maqanakuymanta nin, imaynatá chay rikusqanchikpi, pukllasqanchikpi yanapawanchik? (Gén. 6:11, 12; Sal. 11:5.)

    ¿Imaynatá Noejina, Jehová llaqtanniqta kamachiwaptinchik, kasukusunman? (Gén. 6:22; 1 Juan 5:3.)

  • Génesis 7:1-9 ñawiriy.

    ¿Imaynatá Jehová Noeta pantaq runa kaptinpis allinpaq qhawasqan, ñuqanchiktapis sunquchawanchik? (Gén. 7:1; Pro. 10:16; Isa. 26:7.)