KAY runasqa Jesuspa discipulosnin kanku. Jesús nisqanmanjina Jerusalenpi suyachkanku. Jukllapi tukuy suyachkaptinku juk jatun ch’aqway wasiman junt’aykurqa. Sinchita wayrachkanmanjina karqa. Paykunaman nina larwayjina sapa jukpa umanman tiyaykurqa. ¿Umankupi nina larwayta rikunkichu? ¿Imataq chay karqa?

Espíritu santo ñawpa cristianospa umankupi

¡Kayqa juk milagro karqa! Jesús watiqmanta Tatanwan cielopi kachkaspa, Diospa santo espiritunta discipulosninman t’akaykamurqa. ¿Imaynatataq santo espíritu paykunata yanaparqa? Tukuyninku, may chhika simipi parlayta qallarirqanku.

May chhika runa chay sinchi wayrajinap ch’aqwayninta uyarispa, imachus kasqanta qhawaq rirqanku. Wakinkuna karu llaqtasmanta Jerusalenman, Pentecostés raymiman jamurqanku. Paykuna discipulokunata parlayninkupi Diospa ruwasqasninmanta uyarispa. ¡Mayta t’ukurqanku!

Karu llaqtasmanta runakuna nirqanku: ‘Manachu kay runasqa Galileamanta kanku. ¿Imaynata sapa juknichikpa siminchikpi parlayta atinkuri?’, nispa.

Chaymanta Pedro sayariytawan sinchita parlayta qallarirqa. Llakiyta Jesusta wañuchisqankumanta, chantapis Jehová kawsarichimusqanmanta ima; jinata nirqa: ‘Kunanqa Jesús cielopi Diospa pañanpi kachkan. Paytaq niwarqaykujina santo espirituta t’akamun. Chayrayku kay milagrosta rikuchkankichik’, nispa.

Pedrop nisqanta uyariytawan, runaqa Jesusta wañuchisqankumanta mayta phutikurqa. ¿Imatataq ruwanayku tiyan?, nispa tapukunku. Pedrotaq kutichirqa: ‘Saqra ruwayniykichikmanta kutirikuychik, bautizakuychiktaq’, nispa. Chay p’unchaypitaq 3.000 runa bautizakuspa, Jesusta qhatiyta qallarirqanku.

Hechos 2:1-47.



Tapuykuna

  • Dibujopi rikunkijina, ¿imatataq Jesusta discipulonkuna Jerusalenpi suyachkarqanku?
  • ¿Imata rikuspataq Jerusalenman riqkuna t’ukurqanku?
  • ¿Imatataq Pedro runakunaman willarqa?
  • ¿Imatataq runakuna Pedrota uyarispa nirqanku, imatataq ruwananku karqa?
  • ¿Machkhataq 33 watapi Pentecostés raymipi bautizakurqanku?

Wak tapuykuna

  • Hechos 2:1-47 ñawiriy.

    ¿Imaynatá Pedro parlasqan Hechos 2:23, 36 p’itipi rikuchiwanchik tukuy israelitakuna Jesús wañusqanmanta juchayuq kasqankuta? (1 Tes. 2:14, 15.)

    ¿Imaynatá Pedro Diospa rimayninta uqharispa runakunaman parlarqa, imatataq chay yachachiwanchik? (Hech. 2:16, 17, 29, 31, 36, 39; Col. 4:6.)

    ¿Imaynatá Pedro ñawpa kaq ‘llaveta janaqpacha reinopta’ apaykacharqa? (Hech. 2:14, 22-24, 37, 38; Mat. 16:19.)