Ir al contenido

Ir al índice

Jesús janaqpachaman kutipun

Jesús janaqpachaman kutipun

 104 yachachiy

Jesús janaqpachaman kutipun

CHAYMANTA qhipaman Jesusqa discipulosninwan may chhikata rikuchikurqa. Juk kutiqa 500 discipulonkunaman rikuchikurqa. ¿Imamantataq Jesús rikhurispa parlaq? Diospa Reinonmanta. Jehovaqa Diospa Reinonmanta yachachinanpaq Jesusta Jallpʼaman kachamurqa. Jesustaq wañuymanta, kawsarimuspapis Reinomanta runaman willallarqapuni.

¿Imachus Diospa Reinon kasqanta yuyarinkichu? Janaqpachamanta Diospa chiqa kamachiynin, Diostaq reynin kananpaq Jesusta akllan. ¡Jesusqa sumaq rey kanqa, chaytataq runata mikhuchisqanpi, unqusqakunata jampisqanpi, wañusqakunata kawsarichisqanpi imata rikunchik!

Jina kaptinqa, Jesús waranqa watata kamachiptin, ¿imatá Jallpʼapaq ruwanqa? Jallpʼataqa juk kʼacha paraisoman tukuchinqa. Chaypitaq Manaña llakiykuna, unquykuna, nitaq wañuypis kanqachu. Diosqa Jallpʼata juk paraíso kananpaq ruwarqa, jinamanta kʼachitu kananta yachanchik. Chayrayku Edén huertata ruwarqa. Jesustaq Diospa munaynin juntʼakunanpaq tukuy imata ruwanqa.

Jesús janaqpachaman kutipunanña karqa. Payqa 40 pʼunchayta discipulosninman rikhurirqa, paykunataq Jesús kawsasqanta yacharqanku. Chay pachataq Jesús nirqa: ‘Jerusalenpi santo espirituta japʼinaykichikpaq qhipakuychik’, nispa. Santo espirituqa, Diospa atiynin, wayrajina. Discipulostataq Diospa munayninta ruwanankupaq yanapanan karqa. Chaymanta Jesús nirqa: ‘Qamkunaqa, tukuy Jallpʼapi, kʼuchusninkama ñuqamanta willamunkichik’, nispa.

Kayta niytawan dibujopi rikunkijina, Jesús cieloman wicharichkan, discipulokunataq tʼukuspa chayta qhawachkanku. Chanta juk phuyu Jesusta pakaykurqa, discipulokunataq manaña rikurqankuchu. Jesús cieloman ripuytawan chaymantapacha kay Jallpʼapi kaq discipulosninta kamachiyta qallarirqa.

1 Corintios 15:3-8; Apocalipsis 21:3, 4; Hechos 1:1-11.