Ir al contenido

Ir al índice

Dios Davidta akllan

Dios Davidta akllan

 57 yachachiy

Dios Davidta akllan

¿RIKUNKICHU dibujota? Kay yuqallituqa uña ovejitata osomanta kacharichin. Chay osoqa uña ovejitata mikhukapunanpaq apakapusqa. Yuqallitutaq osota qhatiytawan, uña ovejitata siminmanta kacharichirqa. ¡Oso sayaykuptin, payqa rumiwan chʼanqaspa wañuchirqa! Wak kutipitaq juk leonmanta ovejitata qhichukapullantaq. ¿Manachu kay yuqallitu, mana manchachikuq kasqanta niwaq? ¿Pichus kay yuqallitu kasqanta yachankichu?

Kay yuqallituqa David. Payqa Belenpi tiyakun. Obedqa Rutpa Boozpa wawan karqa, Davidtaq Obedpa allchhin. ¿Paykunamanta yuyarikunkichu? Davidpa tatanqa Isaí karqa. Davidqa tatanpa ovejasninta michiq. Diosninchik Saulta reytajina akllasqanmanta, chunka watanmanraq David nacekurqa.

Kunanqa Jehová Samuelta nin: ‘Aceiteta wakichikuspa, Belenpi kachkaq Isaip wasinman riy. Rey kananpaq juknin churinta akllani’, nispa. Samuelqa Isaipta kuraq churinta Eliabta rikuspa, nirqa: ‘Kaycha akllasqa kachkan’, nispa. Chaywanpis Jehová kutichin: ‘Ama allin rikchʼaynillanta nitaq allin sayaynillantachu qhaway. Mana paytaqa rey kananpaq akllanichu’, nispa.

Chaymanta Isaiqa Abinadab churinta waqyaspa Samuelman apan. Samueltaq nin: ‘Mana, Jehovaqa manallataq payta akllakunchu’, nispa. Chanta Isaiqa Sama churintañataq apamun, Samueltaq nin: ‘Mana, Jehovaqa manallataq payta akllanchu’, nispa. Isaí qanchis churisninta apamun. Manataq Jehová paykunata akllanchu. Salmueltaq tapun: ‘¿Manachu astawan churisniyki kapusunki?’, nispa.

‘Juk aswan sullkʼa kaq kanraq. Payqa ovejasta michichkan’, nispa Isaí kutichirqa. Samuelqa Davidta apamuptinku, kʼachitu kasqanta rikurqa. Jehovataq nin: ‘Kaymá chay akllasqayqa. Aceitewan payta jawiykuy’, nispa. Samueltaq kasukun. Astawan qhipamanraq David Israelpa reynin kanqa.

1 Samuel 17:34, 35; 16:1-13.