Ir al contenido

¿Maykʼajllapis ñakʼariy chinkanqachu?

¿Maykʼajllapis ñakʼariy chinkanqachu?

Ichá ninki...

  • ... arí.

  • ... mana.

  • ... ichapis.

 BIBLIAQA NIWANCHEJ

“[Diosqa] tukuy waqayta ñawisninkumanta pichanqa, manañataj wañuy kanqachu, nitaj waqaypis, nitaj qhapariypis, nitaj nanaypis.” (Apocalipsis 21:3, 4, Diosmanta Qhelqasqa.)

¿IMAYNATATAJ YANAPAWANCHEJ?

Cheqamanta yachanchej ñakʼariykunamanta mana Dioschu juchayoj kasqanta (Santiago 1:13).

Imaynachus ñakʼarishaspa kasqanchejta Dios yachasqanqa, sonqochawanchej (Zacarías 2:8).

Qhepaman, manaña ñakʼariykuna kananta suyakunchej (Salmo 37:9-11).

 ¿IMARAYKUTAJ BIBLIAJ NISQANPI ATIENEKUSUNMAN?

Imaraykuchus:

  • Dios chejnikun ñakʼariykunata, sajra ruwaykunata ima. ¿Imaynataj Pay kasharqa, ñaupa tiempopi llajtanta ñakʼarishajtinku? Bibliaqa, llajtan “sinchʼi ñakʼariypi waqasqasninkuta uyarispataj” Jehová Dios sonqonta nanachikusqanta niwanchej (Jueces 2:18).

    Jehová Diosqa, runa masinta ñakʼarichejkunata chejnikun. Sutʼincharinapaj Bibliaqa, “mana juchayoj runata wañuchejta” chejnikusqanta nin (Proverbios 6:16, 17).

  • Sapa ujta Dios munakuwanchej. “Llakiyni[ykimanta], chayri nanayni[ykimanta]” mana qanllachu yachanki, manaqa Jehová Diospis yachallantaj (2 Crónicas 6:28-30).

    Jehová Diosqa, Reinonnejta ñakʼariykunata chinkachenqaña (Mateo 6:9, 10). Chaykamataj, Payta maskʼajkunata munakuywan sonqochan (Hechos 17:27; 2 Corintios 1:3, 4).

 ICHÁ TAPURIKUNKI

¿Imaraykutaj Dios ñakʼarinanchejta saqenrí?

Kay tapuypa kutichiyninta tariwaj kay ROMANOS 5:12; 2 PEDRO 3:9.