Ir al contenido

Ir al índice

 CRISTIANO KAUSAYNINCHEJ

“Kay imaspi yuyallaychejpuni”

“Kay imaspi yuyallaychejpuni”

Filipenses 4:8 nin: “Kay imaspi yuyallaychejpuni: tukuy ima cheqa kajpi, tukuy ima jatunpaj qhawasqa kajpi, tukuy ima cheqan kajpi, tukuy ima llimphu kajpi, tukuy ima kʼacha kajpi, tukuy ima sumajpaj qhawasqa kajpi, tukuy ima allin kajpi, jinallataj jatunchanapaj jina kaj imaspipis”, nispa. Chaytaj mana niyta munanchu tukuy tiempo Bibliaj nisqasnillanpi yuyananchejta. Manaqa Diosta kusichisqan imaspi yuyana, nitaj karunchachinawanchejpaj jina kaj imaspichu (Sl 19:14).

Allin imaspi yuyanapajqa mayta kallpachakuna. Imajtinchus juchasapa kasqanchejwan, Satanaswan ima maqanakunchej. Payqa ‘kay mundoj diosnin’ (2Co 4:4). Tukuy ima makinpi kasqanrayku, telepi, radiopi, periodicopi Internetpi ima astawan sajra imaslla qomun. Chaykunataj Jehovaj kamachiykunasninman churanakun. Chayrayku sumajta ajllana imastachus qhawasqanchejta, uyarisqanchejta ima. Imajtinchus chayman jina yuyayta ruwaytataj qallarisunman (Snt 1:14, 15).

IMASCHUS WASANCHAJ KANAPAJ TANQAWASQANCHEJMANTA KARUNCHAKUNA: MANA ALLIN IMASWAN KUSIKUYMANTA NISQA VIDEOTA QHAWAYTAWAN, KAY TAPUYKUNAMAN KUTICHIY:

  • ¿Imatataj uj hermano celularninpi qhawaj, chay qhawasqan yanapasharqachu?

  • Gálatas 6:7, 8 chantá Salmo 119:37 versiculospi nisqan, ¿imaynatataj yanaparqa?