Ir al contenido

Ir al índice

 CRISTIANO KAUSAYNINCHEJ

Aswan sumaj yachachejkuna kana: Bibliamanta yachakojta wakichikuyta yachachina

Aswan sumaj yachachejkuna kana: Bibliamanta yachakojta wakichikuyta yachachina

¿IMARAYKUTAJ RUWANANCHEJPUNI TIYAN? Yachakoj estudiananpaj wakichikojtenqa, yachachisqanchejta sumajta japʼeqanqa, nitaj qonqanqachu. Chaytaj ñauparinanpaj yanapanqa. Chantapis bautizakusqantawan “rijchʼarisqallapuni” kananpajqa, tantakuykunapaj, willamunapaj ima wakichikuyta yachanan tiyan (Mt 25:13). Estudiayta, wakichikuyta ima yachakonqa chayqa, tukuy kausayninpi yanapanqa. Yachakojtaqa ñaupaj kutita estudiachej risqanchejmantapacha, folletonta chayri libronta wakichikunanpaj yachachinanchej tiyan.

¿IMAYNATÁ RUWASUNMAN?

  • Ruwasqanchejwan yachachina (Ro 2:21). Estudiachej rinapajqa, yachakojpi tʼukurispa wakichikuna (km 11/15 pág. 3). Libronchejta chayri folletonchejta wakichisqata rikuchina.

  • Yachakojta wakichikunanpaj kallpachana. Kutin kutitaña estudiachispaqa, imaraykuchus wakichikunan kasqanta nina. Wakichikunanpaj imaynatachus tiempocharikunanta yuyaycharina. Wakin hermanosqa, estudionkuman wakichisqa publicacionninkuta jaywanku. Chantataj tapurinku yanapasqantachus manachus. Yachakoj wakichikojtenqa allinta ruwasqanta nina.

  • Wakichikuyta yachachiy. Wakin hermanosqa, estudiachiyta qallarishaspaña yachakojta wakichikuyta yachachinku.