Salmos 99:1-9

  • Jehová Diosqa santo Rey

    • “Diosqa kamachina tiyananpi tiyasqa kashan querubinespa patanpi” (1)

    • Diosqa pantasqasninkuta perdonan, juchasninkumantataj castigan (8)

99  Jehová Diosqa Reyña.+ Llajtasqa kharkatichunku. Diosqa kamachina tiyananpi tiyasqa kashan querubinespa* patanpi.*+ Jallpʼaqa thalakuchun.   Jehová Diosqa Sionpi may jatun. Payqa tukuy llajtas ukhupi aswan jatun atiyniyoj.+   Diosníy, paykunaqa sumaj sutiykita jatunchachunku.+ Sutiykeqa may tʼukuna, santotaj.   Diosqa kallpayoj Rey, justiciatataj munakun.+ Qanmin Diosníy, cheqan kajtaqa sumajta sayachinki. Qanmin Diosníy, justiciata, cheqan kajtawan+ Jacobpaj churarqanki.   Jehová Diosninchejta jatunchaychej,+ chaki sarunanpa+ ñaupaqenpitaj kʼumuykukuychej.* Payqa santo.+   Moiseswan Aaronwanqa paypa sacerdotesnin karqanku.+ Samuelqa Diospa sutinta oqharejkunamanta ujnin karqa.+ Paykunaqa Jehová Diosman qhaparikoj kanku,paytaj kutichimoj.+   Sayashaj phuyu ukhumantapacha Diosqa paykunata parlamoj.+ Paykunataj yuyarichisqasninta, qosqan leytapis kasukoj kanku.+   Jehová Diosniyku, qanmin paykunata uyarej kanki.+ Diosníy, pantasqankuta perdonarqanki,+juchasninkumantataj castigarqanki.+   Jehová Diosninchejta jatunchaychej.+ Santo orqonpa ñaupaqenpi kʼumuykukuychej.*+ Jehová Diosninchejqa santo.+

Sutʼinchaykunasnin

Glosariopi querubín nisqata leeriy.
Ichá nillanmantaj “chaupinkupi”.
Chayri “yupaychaychej”.
Chayri “yupaychaychej”.