Salmos 98:1-9

  • Jehová Diosqa salvacionta apamun, cheqan Jueztaj

    • “Jehová Diosqa paymanta salvación jamusqanta rejsichin” (2, 3)

Salmo. 98  Jehová Diospaj mosoj takiyta takipuychej.+ Payqa tʼukunasta ruwan.+ Paña makinwan, santo makinwan salvacionta apamun.+   Jehová Diosqa paymanta salvación jamusqanta rejsichin.+ Payqa nacionespa ñaupaqenpi justicianta rejsichin.+   Diosqa yuyarikun munakuynin, cheqan kayninpis Israel nacionpaj kasqanta.+ Tukuy jallpʼantin rikunku Diosninchej atipasqanta.*+   Tukuy jallpʼantin kusiywan qhaparispa Jehová Diosta jatunchaychej. Kusikuychej, kusisqataj qhapariychej, alabanzastapis takiripuychej.+   Arpata tocarispa Jehová Diospaj alabanzasta takiripuychej, arpata tocarispa takiripuychej.   Cornetasta waqachispa, putututa waqachispa+kusisqa qhapariychej Reypa ñaupaqenpi, Jehová Diospa ñaupaqenpi.   Mar qochaqa kusiywan sonarichun, mar qochapi tukuy ima kajpis kusikuchun. Jallpʼapis kusikuchun, jallpʼapi tukuy tiyakojkunapis kusikuchunku.   Mayusqa tʼajllarikuchunku,orqospis uj kunkalla kusisqa qhaparichunku+   Jehová Diospa ñaupaqenpi. Payqa jallpʼata juzgaj jamushan.* Payqa jallpʼamanta runasta justiciawan juzganqa,+llajtastapis maychus kajta juzganqa.+

Sutʼinchaykunasnin

Chayri “Diosninchejpa salvacionninta”.
Chayri “juzgaj jamun”.