Salmos 97:1-12

  • Jehová Diosqa waj dioskunamanta aswan patapi

    • “Jehová Diosqa Reyña” (1)

    • Jehová Diosta munakuy, sajra kajtataj chejnikuy (10)

    • Cheqan runaspaj kʼanchay (11)

97  Jehová Diosqa Reyña.+ Jallpʼaqa kusikuchun.+ Yaku chaupipi jallpʼa churuspis* tukuyninku kusikuchunku.+   Diosqa phuyuswan manchay laqhawan muyurisqa kashan.+ Kamachina tiyananqa cheqan kaj patapi sayachisqa kashan, justicia patapi sayachisqa kashan.+   Ninaqa ñaupaqenta rispa+muyuyninpi kaj enemigosninta tukuchin.+   Diospa rayosnenqa jallpʼantinta kʼanchaykamunku. Jallpʼataj rayosta rikuspa kharkatitin.+   Orqosqa abeja panal jina unuyapunku Jehová Diospa ñaupaqenpi,+jallpʼantinmanta Señorpa ñaupaqenpi.   Cielosqa justicianta willanku,tukuynin llajtastaj jatun kayninta rikunku.+   Pʼenqaypi rikhurichunku makiwan ruwasqa santosta yupaychajkunaqa.+ Pʼenqaypi rikhurichunku qhasi manakaj diosesninkumanta alabakojkunaqa.+ Tukuy dioses, paypa ñaupaqenpi kʼumuykukuychej.*+   Sionqa Dios atipasqanta uyarispa kusikun.+ Jehová Diosníy, Judaj ranchosninpis* kusisqa kashanku justiciata ruwasqaykimanta.+   Qanmin Jehová Diosníy, jallpʼantinmanta Aswan Patapi kaj Dios kanki. Tukuy diosesmantaqa, qanllamin aswan patapi kanki.*+ 10  Qankuna Jehová Diosta munakojkuna, sajra kajta chejniychej.+ Diosqa payta kasukojkunaj kausayninkuta waqaychan,+sajra runaspa makinkumantapis salvan.+ 11  Kʼanchayqa cheqan runaspaj lliphipirimun.+ Cheqan sonqoyojkunapaj kusiy tiempo chayamun. 12  Qankuna cheqan runas, Jehová Diosta yupaychaspa kusikuychej,santo sutinta jatunchaychej.

Sutʼinchaykunasnin

Chayri “islaspis”.
Chayri “payta yupaychaychej”.
Hebreo parlaypeqa nin, “Judaj warmi wawasninpis”.
Chayri “qanllamin aswan jatunchasqa kanki”.