Salmos 95:1-11

  • Diosta allinta yupaychanapajqa kasukuna

    • “Sichus nisqanta kunan uyarinkichej chayqa” (7)

    • “Ama sonqoykichejta rumiyachiychejchu” (8)

    • “Mana noqawan khuska samarikonqankuchu” (11)

95  Jamuychej, kusiywan qhaparina Jehová Diosninchejman. Kusiywan qhaparina Diosta jatunchaspa, paymin salvaj Diosninchejqa, paymin pakakunanchej Chhankaqa.+   Ñaupaqenman yaykuna graciasta qospa.+ Takirina, kusisqataj qhaparina Diosta jatunchaspa.   Jehová Diosmin jatun Diosqa. Tukuy diosesmanta paymin aswan jatun Reyqa.+   Jallpʼaj ukhu wayqʼosnenqa paypa makinpi kashan,orqo puntaspis paypata.+   Mar qochaqa paypallatataj, paymin mar qochataqa ruwarqa,+jallpʼatapis makinwan ruwarqa.+   Jamuychej, kʼumuykukuspa Diosta yupaychasunchej. Jehová Diosninchejpa ñaupaqenpi qonqorikuna, paymin Ruwawajninchejqa.+   Paymin Diosninchejqa. Noqanchejtaj llajtan kanchej. Paymin ovejitasta jina qʼomer pampaspi michiwanchej.+ Sichus nisqanta kunan uyarinkichej chayqa,+   ama sonqoykichejta rumiyachiychejchu, imaynatachus ñaupa tatasniykichej Meribapi* ruwarqanku ajinataqa.+ Chay pʼunchay paykunaqa sonqonkuta rumiyacherqanku Masapi,* chay chʼin pampapi.+   Chaypacha ñaupa tatasniykichejqa pruebaman churawarqanku,+tʼukuna ruwasqasniyta rikushaspapis contrayta oqharikorqanku.+ 10  Chay tiempo runasta 40 watasta chejnikorqani,* nerqanitaj: “Kay runaspa sonqonkoqa wistʼuykapullan. Mana ñankunasniyta rejsinkuchu”, nispa. 11  Sinchʼita rabiakuspataj jurarqani: “Mana noqawan khuska samarikonqankuchu”, nispa.+

Sutʼinchaykunasnin

Meribá suteqa niyta munan siminakuy.
Masá suteqa niyta munan prueba.
Chayri “mana rikuyta aterqanichu”.